ЦАХИМ ҮЙЛЧИЛГЭЭ

Энэ үйлчилгээ нь МУИС-ийн нийт суралцагчдыг хамарсан өргөн хүрээтэй үйлчилгээ бөгөөд МУИС-ийн Оюутны цахим үнэмлэх хэвлэн олгох, оюутны нийтийн тээврээр хөнгөлөлттэй зорчих картын захиалга, ОТХ-ийн веб хуудсын мэдээллийн шинэчлэл, үйл ажиллагааны мэдээ мэдээлллийг сайжруулах чиглэлтэй.

 

/зураг дээр дарж томоор харна уу/

ЦАХИМ ҮЙЛЧИЛГЭЭ

Нийт суралцагчдыг хамарсан өргөн хүрээтэй үйлчилгээ бөгөөд Оюутны цахим үнэмлэх хэвлэн олгох, оюутны нийтийн тээврээр хөнгөлөлттэй зорчих картын захиалгыг олгох үйлчилгээ юм.

МУИС-ийн бүрэлдэхүүн сургуульд суралцагчаар элсүүлэх тухай захирлын тушаал гарсны дараа элссэн суралцагчдад суралцагчийн цахим үнэмлэхийг үнэ төлбөргүй олгоно. Цахим үнэмлэхээ гээсэн, гэмтээсэн тохиолдолд зохих төлбөрийг төлж нөхөн авч болно. 

Оюутны цахим үнэмлэх нь МУИС-ийн оюутан мөн эсэхийг батлах үндсэн бичиг баримт болох бөгөөд ашиглах боломжууд:

  • Номын сангаар үйлчлүүлэх
  • ТҮЦ машинаас тодорхойлолт, дүнгийн лавлагаа авах
  • Нийтийн тээврийн хөнгөлөлттэй үнээр зорчих карт захиалах
  • Сургуулийн эмчид үзүүлэх, зөвлөгөө авах
  • Хичээлийн улирлын шалгалт өгөх
  • Оюутны байранд орох

  Цахим үнэмлэх хэвлэгдэхэд дараах үйл ажиллагаа явагдана:

  • Оюутан та салбар сургуулийн бүртгэл хариуцсан мэргэжилтэнд хувийн болон элсэлтийн мэдээлэл, цээж зургаа өгнө.
  • Бүртгэл хариуцсан мэргэжилтэн таны мэдээлэл, зургийг системд бүртгэж үнэмлэх захиалганд оруулна.
  • “Оюутан, төгсөгчийн хэлтэс”-ийн мэргэжилтэн үнэмлэхийг хэвлэнэ.
  • Цахим үнэмлэх бүр дахин давтагдашгүй нууц дугаартай байдаг бөгөөд таны картын дугаар системд бүртгэгдэнэ.
  • Таны үнэмлэх хэвлэгдэн бүртгэгдсэн бол системд мэдэгдэх бөгөөд Хичээлийн 2 байрны 110 тоот болох Оюутан, төгсөгчийн хэлтсийн Цахим үйлчилгээ хариуцсан мэргэжилтнээс хэвлүүлэн авна. 

Анхаарах зүйлс: 

  • Таны мэдээлэлд үг үсэг, зургийн болон бусад алдаа байгаа эсэхийг сайтар нягтлана уу. Хэрвээ үнэмлэх алдаатай хэвлэгдсэн тохиолдолд дахин хэвлэхийн тулд төлбөр төлөхийг анхаарна уу. 
  • Таны бүртгэлийн мэдээлэлд алдаа байгаа бол салбар сургуулийнхаа бүртгэл хариуцсан мэргэжилтэнд хандан мэдээллээ засуулна уу.

Оюутны цахим үнэмлэхээ гээсэн, гэмтсэн болон дахин авах тохиолдолд:

Оюутны цахим үнэмлэхээ гээсэн, гэмтээсэн болон дахин авах оюутан ГОЛОМТ БАНКНЫ 1102927741 дансанд 5,000 төгрөг тушаан баримтаа авчирч Хичээлийн 2 байрны 110 тоот болох Оюутан, төгсөгчийн хэлтсийн Цахим үйлчилгээ хариуцсан мэргэжилтнээс дахин хэвлүүлэн авна. Гүйлгээний утга: Сиси код, овог нэр, суралцдаг хөтөлбөр, утсаа бичнэ.

Оюутны нийтийн тээврийн цахим төлбөрийн карт

Жил бүрийн 8 дугаар сарын 25-наас эхэлж бичиг баримтын бүрдүүлэлт Оюутан, төгсөгчийн хэлтэс дээр эхэлдэг бөгөөд тухайн үед нь зарыг оюутнууддаа хүргэж мэдээлдэг болно. Оюутны нийтийн тээврийн цахим төлбөрийн картаар сард 22 удаа үнэ төлбөргүй зорчих боломжтой. 

Карт анхлан шинээр авах оюутан нь дараах бичиг баримтыг бүрдүүүлнэ. Үүнд:

  • Картын төлбөр төлсөн баримт /Оюутнууд цахим төлбөрийн картыг шинээр авахдаа 3,600 төгрөгийг УБСК-ийн Худалдаа хөгжлийн банкны 475014869 тоот дансанд тушаана/
  • Цахим төлбөрийн карт захиалах мэдүүлэг
  • Иргэний үнэмлэхний хуулбар
  • Оршин суугаа газрын тодорхойлолт

Өмнө жилүүдэд цахим карт авсан оюутан нь тухайн хичээлийн жилд картын эрхээ сунгуулан ашиглах бөгөөд дараах бичиг баримтыг бүрдүүлнэ. Үүнд:

  • Өнгөрсөн хичээлийн жилд авсан цахим төлбөрийн карт /Карт эвдрэлгүй, мөн өөрийн нэр дээр авсан сүүлийн карт байх/
  • Картын эрх сунгалтын хураамж төлсөн баримт /Оюутнууд нь картын эрх сунгалтын төлбөр 1,000 төгрөгийг УБСК-ийн Худалдаа хөгжлийн банкны 475016875 тоот дансанд тушаана/

Хэрэв картаа гээсэн, гэмтээсэн тохиолдолд доорх төвүүдэд иргэний үнэмлэх, өөрийн биеэр очиж картаа сэргээлгэн авч, сэргээлгэсэн шинэ картаа сургуулийн сунгалтын мэдүүлэгт хураалгана.

  • Дүнжингарав Нийслэлийн үйлчилгээний нэгдсэн төв
  • Драгон Нийслэлийн үйлчилгээний нэгдсэн төв
  • Мишээл экспо Нийслэлийн үйлчилгээний нэгдсэн төв
  • 6 буудал /Оргил Нийслэлийн үйлчилгээний нэгдсэн төв
  • Баянгол/3,4-р хороолол Имарт Нийслэлийн үйлчилгээний нэгдсэн төв
  • Баянхошуу дэд төв Нийслэлийн үйлчилгээний нэгдсэн төв