Монгол Улсын Их Сургуульд Засгийн Газар хоорондын соёлын гэрээ, хамтын ажиллагааны гэрээтэй гадаадын их сургуулиас оюутан солилцооны хөтөлбөрт суралцах гадаадын иргэн, хувийн зардлаар суралцах гадаадын иргэн нь зэргийн ба эргийн бус сургалтанд суралцаж болно.
Бүртгэлийн хугацаа:
| Хөтөлбөр | Намрын улирал | Хаврын улирал |
| Бакалавр | 5 сарын 1 – 7 сарын 20 | – |
| Магистр | 5 сарын 1 – 7 сарын 20 | 10 сарын 01 – 12 сарын 20 |
| Монгол хэлний бэлтгэл | 5 сарын 1 – 7 сарын 20 | 10 сарын 01 – 12 сарын 20 |
| Оюутан солилцоо | 5 сарын 1 – 7 сарын 20 | 10 сарын 01 – 12 сарын 20 |
| Интерншип | Жилийн турш | Жилийн турш |
Бүрдүүлэх материал /зэргийн хөтөлбөрт элсэгч/:
- Элсэх хүсэлт гаргах маягт (татах);
- Өмнө нь эзэмшсэн боловсролын түвшинг илтгэх диплом, дүнгийн хавсралтын хамт (гадаад хэлээрх бичиг баримтыг монгол хэл хүү орчуулж, хуулбарын хамт нотариатаар батлуулсан байх);
- Гадаад паспорт (хүчинтэй хугацаа 6 сараас дээш байх);
- Монгол улсад суралцах хугацааны сургалтын төлбөр амьдрах зардлыг хариуцах байгууллага, хувь хүнээс гаргасан 1 жилийн сургалтын төлбөр, дотуур байрны төлбөртэй тэнцэх хэмжээний санхүүгийн баталгаа (тэтгэлэг, банкны тодорхойлолт болон түүнтэй дүйцэх баталгаа);
- Магистр, докторын хөтөлбөрт элсэх гадаадын иргэний мэдлэг боловсрол, ажлын туршлага, суралцах арга барилыг нь тодорхойлсон удирдах ажилтны болон профессор багшийн тодорхойлолт;
- Монгол эсвэл англи хэлний мэдлэг, чадварын төвшинг тодорхойлох гэрчилгээ, сертификат /батламж байхгүй тохиодолд монгол хэлний шалгалт өгөхийг анхаарна уу/
- Эрүүл мэндийн хуудас (татах);
- Цээж зураг (сүүлийн 6 сард авахуулсан, 3×4 хэмжээтэй байх)
- Бүртгэлийн хураамж 130,300 төгрөг эсхүл 50 ам,долларыг МУИС-ийн дансанд шилжүүлсэн баримт
*Бичиг баримтуудыг имейл хаягаар /цахимаар/ илгээхэд анхаарах зүйлс:
- Бичиг баримтуудыг сканердаж 1 багц PDF file болгон имейл хаягаар явуулах
- Бичиг баримтын зургийг дарсан, Word, Excel, JPG гэх мэт өргөтгөлтэй файлыг хүлээн авахгүй
- Бичиг баритмын хуулбарыг явуулахад тод харагдахуйц сканердаж явуулна.
Бүртгүүлэгч нь дараах бичиг баримтуудыг өөрийн биеэр МУИС-ийн хичээлийн II дугаар байрны 200, 216,108 тоотод авчирж бүртгүүлэх, studentaffairs@num.edu.mn имейл хаяг руу бичиг баримтуудаа илгээн бүртгүүлэх боломжтой.