HACKUM клубийн гишүүд сайн дураараа мод тарьцгаав.

2020 оны МУИС-н шилдэг клуб болох мэдээллийн технологийн HACKUM клубийн гишүүд сайн дураараа нэгдэж амралтын өдрөөрөө Нүхтийн амд байрших хэсэг газар 100 гаруй мод тарилаа.

2017 онд байгуулагдсан уг клуб нь IT буюу мэдээллийн технологийн чиглэлээр үйл ажиллагаагаа явуулдаг бөгөөд үндсэн үйл ажиллагаанаасаа гадна нийгмийн хариуцлагын хүрээнд сайн дурын аянуудыг санаачлан хэрэгжүүлдэг юм. Тухайлбал Хайраа шэйрлэцгээе, Ковид-19 өвчний тархалт, зөвлөгөө мэдээлэл, худал мэдээг шүүн гаргадаг Тунхаг төсөл, МУИС-н оюутны веб болох student.num.edu.mn гэх мэт. Энэ удаагийн аяныг оролцуулаад уг клуб маань нийтдээ 130 гаруй мод тарьж байгаль эхдээ өөрсдийн сэтгэлээр дэм боллоо. Цаашдаа жил бүр энэхүү аянаа шинэ үеийн залуучууддаа уламжлал болгон үлдээж клубээрээ олон мянган мод тарихаар төлөвлөж байна.

Уг клубт харьяалагддаг нийт гишүүддээ чин сэтгэлээсээ баярлалаа гэж хэлье.

.

.

.

.

.

"HACKUM" клуб

2021 он