2022.06.10-ны өдрийн 2021-2022 оны хичээлийн жилд МУИС-ийн ШУС-ийн ХУС-ын Монгол Хэлний Бэлтгэл хөтөлбөрийг амжилттай дүүргэсэн гадаад оюутнуудын гэрчилгээ гардуулах ёслол боллоо.
Огноо:2022.06.10-ны өдрийн 2021-2022 оны хичээлийн жилд МУИС-ийн ШУС-ийн ХУС-ын Монгол Хэлний Бэлтгэл хөтөлбөрийг амжилттай дүүргэсэн гадаад оюутнуудын гэрчилгээ гардуулах ёслол боллоо.
Монгол хэлний бэлтгэл хөтөлбөрийг амжилттай төгссөн оюутнуудад МУИС-ийн Сургалт, оюутан хариуцсан дэд захирал Д-р Д.Бадмаанямбуу, Оюутан, төгсөгчийн хэлтсийн дарга Д-р М.Эрдэнэчимэг, ШУС-ийн ХУС-ын Монгол хэл, хэл шинжлэлийн тэнхимийн эрхлэгч Д-р Б.Түвшинтөгс, Монгол хэл, хэл шинжлэлийн тэнхимийн багш Б.Баяртуул, Г. Баттогтох, Б.Энхсувд, М.Жавхлан нар гардуулав.
2021-2022 оны хичээлийн жилд БНХАУ, БНСУ, БНАЛАУ, БНТУ, Япон, ХБНГУ, Тайланд зэрэг улсын 26 гадаад оюутан Монгол хэлний бэлтгэл хөтөлбөрт суралцаж төгссөн бөгөөд үүнээс анхан шатны ангийг 16 оюутан, дунд шатыг 7 оюутан, гүнзгий шатны ангийг 3 оюутан амжилттай төгсөж гэрчилгээ гардан авлаа.
ШУС-ХУС-ын Монгол хэл, хэл шижлэлийн тэнхимийн эрхлэгч Д-р Б.Түвшинтөгс Монгол хэлний бэлтгэл хөтөлбөр төгсөж буй гадаад оюутнуудад хандан баярын мэнд дэвшүүлж, цаашдын ажил хөдөлмөр, сурлагын өндөр амжилт хүслээ.
Гадаад оюутнуудыг төлөөлж МУИС болон БНСУ-ын Данкүүк их сругуулийн хамтын ажиллагааны гэрээний хүрээнд оюутан солилцоо хөтөлбөрөөр суралцаж Монгол хэлний бэлтгэлийн дунд шатны ангийг төгсөж буй БНСУ-ын оюутан Kang Seungwan талархалын үг хэлж, Монгол улсад суралцсан сэтгэгдлээс хуваалцлаа.
Гадаад оюутнууд мөн Монгол хэл, хэл шинжлэлийн тэнхимийн багш нарын хамт Монгол улсын Төрийн Ордонд зочилж дурсгалын зураг татууллаа.
