МУИС-ийн 80 жилийн ойн хүрээнд зохион байгуулагдаж буй “МУИС-ийн Индэр” цуврал лекц, уулзалтад МУИС-ийн багш Проф, Ч.Ганзориг зочин илтгэгчээр оролцлоо.
Огноо:МУИС-ийн Индэр цуврал лекц, уулзалт нь улс орныхоо хөгжил дэвшил, ард түмний үнэт зүйлс, үндэсний бахархлын тогтолцоог төлөвшүүлэхэд МУИС-ийн эрдмийн хамт олон, оюутан суралцагчдын гүйцэтгэх үүрэг хариуцлагыг нэмэгдүүлэх, идэвхтэй оролцоо бүтээлч хандлагыг дэвжээн бэхжүүлэх зорилготой.
Орчин үеийн их сургууль ба оюутны хөгжлийн чиг хандлага сэдвээр зочин илтгэгч Хими биологийн инженерчлэлийн тэнхим, Нано шинжлэх ухаан нанотехнологийн төв хэрэглээний шинжлэх ухаан инженерчлэлийн сургуулийн проф. Ч.Ганзориг оюутан залуучуудад зориулан лекц уншлаа.
Илтгэлийн агуулга:
- Орчин үеийн их сургуулийн тогтолцоо
- Аж үйлдвэрийн салбарын хөгжил, тэргүүлэх чиглэлүүд
- Нано шинжлэх ухаан нанотехнологийн төвийн тухай
- Оюутны хөгжил, хандлагын тухай
Илтгэгч Проф, Ч.Ганзориг багш маань МУИС-ХШУИС-Нано шинжлэх ухаан технологийн төвөөс амжилттай явж буй төгсөгчдөөс дурдсан.
Тухайлбал:
Илтгэлд дурьдагдсан МУИС-ийн төгсөгч Монгол эрдэмтэн М. Баттулгын бүтээл дэлхийн шилдэг NATURE сэтгүүлд хэвлэгдсэн. Тэрээр Монгол Улсын Их Сургуулийг Физик электроникийн чиглэлээр бакалавр, Наношинжлэх ухаан нано-инженерчлэлийн чиглэлээр магистрын зэрэгтэй төгсөж, Австрийн Johannes Kepler Universität Linz сургуульд докторын зэрэг тус тус хамгаалсан. Одоо тэрээр Данийн Техникийн Их Сургууль (Technical University of Denmark)-д ассистант профессороор ажиллаж байна.
МУИС Оюутан, төгсөгчийн хэлтэс
