Осака их сургуулийн оюутан солилцоо хөтөлбөрийн цахим танилцуулга зохион байгуулагдлаа.
Огноо:Осака их сургууль болон МУИС-йн Оюутан, төгсөгчийн хэлтсийн хамтарсан МУИС-ийн суралцагчдад зориулсан Осакагийн их сургуулийн оюутан солилцоо хөтөлбөрийн талаарх цахим танилцуулга, вэбинарыг 2022 оны 03 дугаар сарын 12-ны өдөр амжилттай зохион байгуулагдлаа.
Цахим уулзалтаар Осака их сургуулийн талаас Глобал Инишиатив Төвийн захирал Профессор Komizo Yu-ichi, оюутан солилцоо хариуцсан багш Ishikura Yukiko, Глобал Инишиатив Төвийн туслах профессор Э.Ариунаа болон Осака их сургуульд бакалавр болон магистрын хөтөлбөрт суралцаж буй Монгол оюутнуудын төлөөлөл оролцов.
Цахим уулзалтаар Глобал Инишиатив Төвийн захирал Профессор Komizo Yu-ichi мэндчилгээ хүргэн Осакагийн их сургуулийн товч танилцуулгыг хийв. Мөн Осака их сургууль болон МУИС-ийн оюутан солилцоо хариуцсан мэргэжилтэн нар солилцооны хөтөлбөрт хэрхэн хамрагдах заавар зөвлөгөө, дэлгэрэнгүй мэдээлэл өгөн оюутнуудын асуултад хариулт өглөө. Түүнчлэн Осака их сургуульд суралцаж буй Монгол оюутан Анар Номин нар Японд амьдарч, суралцах туршлагаас хуваалцан нээлттэй хэлэлцүүлэг өрнүүллээ.
ОЮУТАН, ТӨГСӨГЧИЙН ХЭЛТЭС
