МУИС-ийн оюутны байгууллага, клубийн уулзалт боллоо
Огноо:МУИС-ийн оюутны байгууллага, клубийн уулзалт 2021 оны 11 дугаар сарын 17-ны өдөр МУИС-ийн хичээлийн 1-р байрны дугуй танхимд боллоо. Тус уулзалтад МУИС-ийн хэмжээнд бүртгэлтэй клубээс идэвхтэй үйл ажиллагаа явуулж буй нийт 32 клубийн төлөөлөл оролцов.
МУИС-ийн оюутны байгууллага, клубүүд сүүлийн 2 жилийн хугацаанд “Ковид-19” цар талын улмаас үйл ажиллагаагаа цахимаар зохион байгуулж байсан болно.
Уулзалтаар оюутны байгууллага, клубүүдийн үйл ажиллагааг “НЭГДСЭН ШУУРХАЙ ШТАБ”-аас ирүүлсэн албан удирдамжид заасан зөвлөмжийг баримтлан танхимын 50 хувийн дүүргэлттэй, вакцины бүрэн тунд хамрагдсан зэрэг шаардлагыг үндэслэн зохион байгуулахаар боллоо.
Мөн энэ онд багтааж хийх ажлын төлөвлөгөө, заавар зөвлөгөөг өгч ажиллалаа.
МУИС-ийн ОЮУТАН, ТӨГСӨГЧИЙН ХЭЛТЭС