Фудан их сургуулиас зарлаж буй Залуусын инновацийн чуулганд (YICGG 2021) оролцохыг урьж байна

Огноо: 2021-04-22

МУИС-ийн оюутан, суралцагчид та бүхнийг Нэгдсэн үндэстнүүдийн хөгжлийн хөтөлбөрийн (UNDP) дэмжлэгтэй, БНХАУ-ын Фудан их сургуулийн Олон улсын харилцаа, нийтийн удирдлагын сургуулиас (SIRPA, Fudan University) зохион байгуулж буй Залуусын инновацийн өрсөлдөөн 2021 (Youth Innovation Competition on Global Governance) сэдэвт олон улсын оюутан, залуусын чуулганд оролцохыг урьж байна. Тус чуулга уулзалт нь 2007 оноос хойш уламжлал болон жил тутам олон улсын оюутан, залуусыг оролцуулдаг. Энэ жилийн чуулга уулзалт нь Тогтвортой хөгжилд ухаалаг хотыг бүтээх нь: Залуусын оролцоо, бүтээн байгуулалт сэдвийн хүрээнд дараах 5 дэд хэсэгт зохион байгуулагдана:

– Шинжлэх ухаан, технологи, инновац (Science and Technology Innovation)

– Дижитал харилцаа (Digital Connectivity)

– Нийгмийн эрүүл мэнд (Public Health)

– Хүрээлэн буй орчны засаглал (Ecological governance)

– Хүн төвт (People oriented).

Чуулган БНХАУ-ын Хужоу хотод (Huzhou, Zhejiang province) 2021 оны зун болно. Чуулганд оролцох хүсэлтэй хүмүүс цахимаар болон биетээр очиж оролцох боломжтой. Шалгарсан оролцогчдод нэг талын нислэгийн төлбөр, чуулганд оролцох 4 хоногийн байр, хоолны зардал зэргийг зохион байгуулагчийн зүгээс хариуцна.

Татах [3.27 MB]

Өргөдөл гаргагчид ганцаараа болон баг болж өргөдлийн маягт, өргөдөл гаргагчийн танилцуулга CV зэргийг zip/rar форматаар нэг файл болгон зохион байгуулагчийн yicgg@hotmail.com цахим шуудангаар илгээнэ үү.

Татах [9.24 KB]

Өргөдөл хүлээн авах эцсийн хугацаа: 2021 оны 4 дүгээр сарын 30 хүртэл

ХАМТЫН АЖИЛЛАГААНЫ ХЭЛТЭС