Эрдэмтэн багш нар англи хэл сурах арга туршлагаас хуваалцав
Огноо:Энэ оны 12-р сарын 7-нд хичээлийн 1-р байрны дугуй зааланд Оюутны алба, ГХТ (Гадаад хэлний төв), ИБАСТ (Их Британи, Америк судлалын тэнхим)-тэй хамтран “Оюутны хөгжлийн жил” ажлын хүрээнд МУИС-ийн оюутнуудын гадаад хэлний мэдлэгийг дээшлүүлэх зорилгоор “Англи хэл сурах арга туршлагаас” сэдэвт лекцийг амжилттай зохион байгууллаа.
Уг лекцээр Социологи-Нийгмийн ажлын тэнхимийн багш доктор А.Батхишиг, Антропологи-Археологийн тэнхимийн багш Ж.Лхагвадэмчиг нар өөрсдийн Англи хэл сурсан арга туршлагаа хуваалцан, гадаадын их дээд сургуулиудад хэрхэн амжилттай мастер, докторын зэрэг хамгаалах тухай сонирхолтой хийгээд үнэтэй мэдээлэл зөвлөгөөг оюутан залуустаа өглөө.
