Чехийн Масарик их сургуульд (Masaryk University) Erasmus+ оюутан солилцооны бүрэн тэтгэлэгт хөтөлбөрт хамрагдахыг урьж байна

Европын холбооны санхүүжилттэй Эрасмус плас (Erasmus+) хөтөлбөрийн хүрээнд Чехийн Масарик их сургуульд бакалаврын болон ахисан түвшний хөтөлбөрийн богино хугацааны солилцооны хөтөлбөрийн сонгон шалгаруулалтад урьж байна. Хөтөлбөрт хүсэлт гаргагч нь МУИС-ийн үндсэн суралцагч байх ёстой бөгөөд МУИС-ийн Хамтын ажиллагааны хэлтсээр (Erasmus Code: Ulaanbaatar) дамжуулан хөтөлбөрт хамрагдах хүсэлт гаргана. Хөтөлбөрийн хугацаа, хамрагдах хүний тоо:

• Оюутан солилцоо: 1 хичээлийн улирал буюу 5 сар (1 оюутан)

Тэтгэлгийн хэмжээ: Замын зардал болон сарын 800 еврогийн тэтгэлэг олгоно. Тавигдах шаардлага:

• Англи хэлний дундаас дээш түвшний мэдлэгтэй буюу IELTS 5.5, TOEFL IBT 70 оноотой байх
• Бакалаврын оюутан МУИС-д 2-оос дээш, ахисан түвшний оюутан 1 болон түүнээс дээш улирал суралцсан байх

Бүрдүүлэх материал: /Дараах материалуудыг англи хэл дээр бүрдүүлнэ./

• Суралцах захидал буюу Motivation letter
• Товч танилцуулга/ CV
• Оюутны тодорхойлолт
• Дүнгийн албан ёсны тодорхойлолт
• Хэлний мэдлэгийг тодорхойлох батламж
• Докторын оюутан бол Масарик их сургуулийн зөвлөх багшийн зөвшөөрсөн захидал болон судалгааны төлөвлөгөө
• Паспортын хуулбар

Хүсэлт хүлээн авах эцсийн хугацаа: 2021 оны 3 дугаар сарын 30 хүртэл Товлогдсон хугацаанд багтаан холбогдох материалын хуулбарыг PDF нэг файл болгон Хамтын ажиллагааны хэлтсийн int_rel@num.edu.mn цахим хаягаар явуулна. Хугацаа хоцорсон материал хүлээн авахгүй. Дэлгэрэнгүй мэдээллийг дараах холбоосоор нэвтэрч үзнэ үү: https://czs.muni.cz/en/student-from-abroad/exchange-non-degree-studies/erasmus-icm#current-offer-ac-year-2021-22  

ХАМТЫН АЖИЛЛАГААНЫ ХЭЛТЭС