Өнөөдөр цусаа бэлэглэх өдөр
Огноо:Манай улсын хэмжээнд цус, цусан бүтээгдэхүүний хэрэгцээ өмнөх жилүүдээс 8 хувиар өссөн боловч, дэлхий нийтээр цар тахал дэгдсэнтэй холбоотойгоор явуулын цус цуглуулалт буурсан үзүүлэлттэй байна. Нийгмийн эрүүл мэндийн ноцтой байдал тулгарсан энэ цаг үед МУИС-ийн багш, ажилтан, суралцагсад нийгмийн хариуцлагынхаа хүрээнд, хүмүүнлэгийн үйлсэд нэгдэн цусаа хандивлаж бусдад амьдрал бэлэглэж байна.
.
Өнөөдөр хичээлийн 4 дүгээр байранд болсон өдөрлөгийн нээлтэд Цус сэлбэлт судлалын үндэсний төвийн олон нийттэй харилцах менежер С.Нандинцацрал, Монголын улаан загалмай нийгэмлэгийн Чингэлтэй дүүрэг дэх хороон дарга Ганчимэг болон МУИС-ийн Оюутан, төгсөгчийн хэлтсийн дарга, д-р М.Эрдэнэчимэг нар үг хэлж өдөрлөгтөө идэвхтэй оролцож, хүнлэг ариун үйлсэд нэгдэхийг уриалан, цусаа бэлэглэсэн нийт багш, ажилтан, суралцагсдадаа талархал илэрхийлэв.
.
.
Нээлтийн ажиллагааны үеэр олон удаа цусаа бэлэглэж, зохих болзлыг хангасан доноруудад хүндэт донорын тэмдэг, батламж гардуулан талархал илэрхийлэв. Үүнд:
- Донор 30 тэмдэг, батламжийг ШУС-ийн ХУС-ын салбарын Багш, нийгмийн ухааны боловсрол/Түүх хөтөлбөрийн суралцагч Ц.Наранхүү
- Цус сэлбэлт судлалын үндэсний төвийн захирлын нэрэмжит шагналаар МУИС-ийн Хамтын ажиллагааны хэлтсийн мэргэжилтэн Б.Ганбат, ОУХНУС-ийн суралцагч Т.Чинзориг нарыг шагнаж, талархал илэрхийлэв.
.
.
.
Маргааш МУИС-ийн хичээлийн 5 дугаар байрны 2 давхарт 08:30 цагаас 13:00 цаг хүртэл Цус сэлбэлт судлалын үндэсний төвийн эмч, сувилагч нар ажиллана.
.
Сар бүрийн 3-ны өдөр “Цусаа бэлэглэх өдөр” тул Та цусаа хандивлаж бусдад АМЬДРАЛ бэлэглээрэй
ОЮУТАН, ТӨГСӨГЧИЙН ХЭЛТЭС
