2020-2021 оны хичээлийн жилийн намрын улиралд “Оюутны хөгжлийн зээл”-ээр суралцах хүсэлт гаргаж буй оюутнуудын анхааралд
Огноо:2020-2021 оны хичээлийн жилийн намрын улиралд “Оюутны хөгжлийн зээл”-ээр суралцах хүсэлт гаргаж буй суралцагчид:
- Засгийн газрын 2018 оны 46 дугаар тогтоолын хавсралтаар батлагдсан “Дээд боловсролын сургалтын байгууллагын оюутан, суралцагчдад оюутны хөгжлийн зээл олгох, эргэн төлүүлэх журам”-ын 5.3-д заасан материалыг бүрдүүлэн 2020 оны 8 дугаар сарын 31-ны өдрийн 15:00 цагаас өмнө “Оюутан, төгсөгчийн хэлтэс”-ийн тухайн бүрэлдэхүүн сургуулийн боловсролын зээлийн асуудал хариуцсан мэргэжилтэнд цахимаар ирүүлнэ. /Эх материалыг скайнердан унших, хэвлэхэд гаргацтай байхаар оруулна/
- “Оюутан, төгсөгчийн хэлтэс”-ийн хариуцсан мэргэжилтэн ирүүлсэн материалыг хянан нягталж, шаардлага хангасан тохиолдолд “Боловсролын зээлийн сан”-гийн системд оруулж, материалыг хүргүүлнэ.
- Хүсэлт гаргагчийн материал шаардлага хангасан тохиолдолд сургалтын төлбөрийг хувиараа төлөлгүйгээр намрын улирлын хичээл сонгох, баталгаажуулах эрх үүснэ.
- Зээлийн хүсэлт гаргаж, шаардлага хангасан суралцагч бүр танхимын сургалт эхэлсний дараа зээлийн болон сургалтын төлбөрийн үлдэгдлийг бүрэлдэхүүн сургуулийн нягтлан бодогчтой тооцоо нийлэн баталгаажуулж, сургалтын төлбөрийн гэрээ байгуулна.
- “Боловсролын зээлийн сан” суралцагчдын зээл авах хүсэлт, материалыг хянан магадлаж, зээлийн хяналтын тоо, зээлийн нийт дүн эцэслэн баталгаажсаны дараа зээл олгох суралцагчтай зээлийн гэрээ байгуулна.
- Суралцагчийн гаргасан хүсэлт Боловсролын зээлийн сангийн хяналтын тоонд багтаагүй, түүнчлэн зээлийг баталгаажуулаагүй, баталгаажуулсан зээлийг заасан хугацаанд олгоогүй тохиолдолд сургалтын төлбөрийг суралцагчтай байгуулах сургалтын төлбөрийн гэрээний дагуу төлүүлнэ.
МУИС-ийн Оюутан, төгсөгчийн хэлтэс
