МУИС-ийн Ерөнхий суурийн хөтөлбөрийн оюутнуудад зориулсан хоёр дахь удаагийн “Мэргэжлийн хөтөлбөр сурталчлах 7 хоног ” эхэлж байна

Огноо: 2020-04-15

МУИС-ийн Ерөнхий суурийн хөтөлбөрийн оюутнуудад зориулсан хоёр дахь удаагийн мэргэжлийн хөтөлбөр сурталчлах 7 хоног эхэлж байна.  Энэ удаагийн өдөрлөг нь хөл хорио тогтоосонтой холбоотойгоор 2020 оны 4 дүгээр сарын 13-17-ны өдрүүдэд цахимаар явагдана. Хөтөлбөр сурталчлах өдөрлөгт оролцсоноор

• Америкийн сэтгэл судлаач Дж.Холландын боловсруулсан бие хүний үнэлэмж, сонирхол, хандлага, сэдэл тэмүүллээс хамаарсан гурван чиглэлээр ажил мэргэжлийн чиг баримжаа тогтоох сорилыг өгч, өөрт тохирох мэргэжлийн хөтөлбөрүүдийг мэдэж авах
• МУИС-д хэрэгжиж буй хөтөлбөрүүд, тэдгээрийн онцлог, давуу тал, тухайн хөтөлбөрөөр суралцсанаар олж авах мэдлэг, чадвар, дадал болон төгсөгчдийн ажлын байр гэх мэт мэдээллүүдтэй танилцах
• Мэргэжлийн хөтөлбөр сонголтын журамтай танилцаж, хөтөлбөр сонгох болзол, онооны жагсаалт, СИСИ системд хэрхэн тандалт, сонголтоо хийх зэрэг олон зүйлийн хариултыг мэдэж авна.

Энэхүү өдөрлөгт Ерөнхий суурийн оюутан Та идэвхитэй оролцоорой. Хөтөлбөр сурталчлах өдөрлөгийн цахим хаяг: http://hutulbur.num.edu.mn/ Жич: Ирэх долоо хоногт буюу 2020 оны 4 дүгээр сарын 20-24-нд “Хөтөлбөрийн тандалт-2” СиСи системээр явагдана.

Хөтөлбөр, чанарын баталгаажуулалтын хэлтэс