Сөүлийн Үндэсний Их Сургууль 2020-2021 оны хичээлийн жилийн оюутан солилцоо хөтөлбөртөө урьж байна

Огноо: 2020-01-17

МУИС болон БНСУ-ын Сөүлийн Үндэсний их сургуулийн хооронд байгуулсан хамтын ажиллагааны гэрээний хүрээнд оюутан та бүхнийг 2020-2021 оны хичээлийн жилийн намрын улиралд тус сургуулийн оюутан солилцооны хөтөлбөрт хамрагдахыг урьж байна.

Шаардлага:

МУИС-ийн бакалаврын 1-3 түвшний, магистрын 1-2 түвшний идэвхтэй суралцаж буй суралцагч байх /бакалавр, магистрын түвшин тус бүрт дор хаяж 1 улирал бүтэн суралцсан байх/
Голч дүн бакалавр – 2,5 болон түүнээс дээш, магистр – 3,0 байх
Англи эсвэл Солонгос хэлний дунд ба дундаас дээш мэдлэгтэй байх /батламж шаардлагагүй/ Үүнд:

TOEFL IBT 88, IELTS 6.0
TOPIK level 5

Сөүлийн үндэсний их сургуулийн тусгай шаардлагууд. Үүнд:

Бизнесийн удирдлагын сургууль: өргөдөл гаргагчийг СҮИС шалгаруулна
Компьютерийн ухаан, инженерчлэлийн сургууль: IT, компьютер инженерчлэлийн хөтөлбөрт суралцах хүсэлтэй суралцагчид хамгийн багадаа 15 кредит амжилттай судалсан байх
Шинжлэх ухаан, инженерчлэлийн сургууль: СҮИС шалгаруулна
Солонгол улсын түүх, Солонгос хэл,хэл шинжлэл, Статистик, Эм зүй хөтөлбөрт суралцах хүсэлтэй суралцагчид Солонгос хэлний батламж хавсаргах /TOPIK Level 5 ба түүнээс дээш/
Хууль, эрх зүйн чиглэлээр суралцах боломжгүй
Магистрын суралцагчид СҮИС-ийн Бизнесийн Сургуульд суралцах боломжгүй.

Бүрдүүлэх материалууд /бүх бичиг баримт англи эсвэл солонгос хэл дээр байх/

CV /кагвар байхгүй/
Албан ёсны дүнгийн хуулбар
Сургуулийн тодорхойлолт
Statement of purpose буюу зорилго тодорхойлсон эсээ /англи эсвэл солонгос хэл дээр/
Багшийн тодорхойлох захидал /албан бланк дээр, гарын үсэг зурж тамга дарсан байх/
Гадаад паспортын хуулбар (хүчинтэй хугацаа нь 1 жилээс дээш байх)

Суралцах хугацаа: 1-2 улирал

Хөтөлбөр:

Бакалавр: http://en.snu.ac.kr/undergraduate-programs
Магистр: http://en.snu.ac.kr/gradaute-school

Зардал: МУИС-д сургалтын төлбөрөө төлж, Сөүлийн Үндэсний их сургуульд сургалтын төлбөрөөс чөлөөлөгдөнө. Дотуур байр, онгоцын тийз болон амьжиргааны зардлыг оюутан өөрөө хариуцна.

Хамрагдах оюутны тоо: 1 оюутан

Өргөдөл хүлээн авах эцсийн хугацаа: 2020 оны 02 дугаар сарын 27-ны 16.00 цаг хүртэл.

Хаана: МУИС, хичээлийн 2 дугаар байр, Оюутан, төгсөгчийн хэлтэс, 216.

Бүрдүүлсэн материалуудаа нэг багц pdf файл болгон studentaffairs@num.edu.mn хаягаар илгээнэ үү.

Оюутан, төгсөгчийн хэлтэс нь 03 дугаар сарын 10-ны дотор оюутан солилцоо хөтөлбөрт шалгарсан оюутнуудын нэрс, материалыг Сөүлийн Их Сургуульд илгээнэ. Сөүлийн Үндэсний их сургууль дараагийн шатны сонгон шалгаруулалт хийхийг анхаарна уу. Тэнцсэн оюутан онлайн өргөдөл, бусад нэмэлт баримтыг дахин бүрдүүлэн онлайнаар илгээхийг анхаарна уу.

ОЮУТАН, ТӨГСӨГЧИЙН ХЭЛТЭС