МУИС-ИЙН ХАМТ ОЛОН “ХИЧЭЭХ ӨДӨР” АЯНД НЭГДЛЭЭ
Огноо:Дэлхий нийтээрээ жил бүр уламжлал болгон зохион байгуулдаг “ЗАМ ТЭЭВРИЙН ОСЛООР ХОХИРСОН ИРГЭДЭД ХҮНДЭТГЭЛ ҮЗҮҮЛЭХ ӨДӨР”-ийг ЦАГДААГИЙН ЕРӨНХИЙ ГАЗРЫН ТЭЭВРИЙН ЦАГДААГИЙН АЛБА-наас 6 дахь жилдээ 2019 оны 11 дүгээр сарын 29-ний өдөр “ХИЧЭЭХ ӨДӨР” уриан дор зохион байгуулж байна.
Уг арга хэмжээг МУИС-ийн хамт олон дэмжин 2019 оны 11 дүгээр сарын 29-ний өдрийн 12:00-12:30 цагийн хооронд зам тээврийн ослоос урьдчилан сэргийлэх бүхий уриалга, постер бэлтгэн хичээлийн 2 дугаар байрны урдах авто зам дагуу зогсож, замын хөдөлгөөнд оролцогчдод сурталчлан идэвхтэй оролцлоо.
Монгол Улсад зам тээврийн ослын улмаас жилд 6187 хүн эрүүл мэндээрээ хохирч, 501 хүн нас барж байна. Хоногт дунджаар 15-20 хүн эрүүл мэндээрээ хохирч 1-2 хүн хорвоог орхиж байна. Иймд Тээврийн цагдаагийн газраас жил бүрийн арваннэгдүгээр сарын 29-ныг "Хичээх өдөр" болгон зарласан. Энэ өдөр хүн бүр замын хөдөлгөөний дүрмийг зөрчихгүй байж, зам тээврийн ослын тоог бууруулахад өөрийн хувь нэмрээ оруулахыг уриалж байна.
Энэ өдрийн гол зорилго нь энгийн бүхнээс том зүйл эхлэлтэйн адил замын хөдөлгөөнд оролцогч хэн бүр замын хөдөлгөөний дүрмээ баримталж, нэг нэгэндээ хүндэтгэлтэй хандаж, эерэг, зөв үйлдлээрээ бусдыгаа үлгэрлэж чадвал зам тээврийн осол, түүний улмаас амь насаа алдах, гэмтэж бэртэгсдийн тоо буурах боломжтой гэдгийг харуулах зорилготой бүх нийтээрээ хичээх өдөр юм.
Зам хөдөлгөөнд оролцогдоггүй хүн гэж үгүй учир бүгдээрээ хичээж эерэг зөв үйлдлээрээ нэг нэгнээ хүндэлж, үлгэрлэж энэ хүсээгүй төмөр хүлгийн дайныг хамтдаа бууруулж, зогсооцгооё гэж Тээврийн цагдаагийн албанаас уриалж байна.
МОНГОЛ УЛСЫН ИХ СУРГУУЛЬ
ОЮУТАН, ТӨГСӨГЧИЙН ХЭЛТЭС
