АТГ-аас зохион байгуулсан “ҮНЭТ ЗҮЙЛСИЙН БОЛОВСРОЛ” өдөрлөг боллоо
Огноо:Нэгдсэн үндэстний байгууллагын Ерөнхий Ассамблей жил бүрийн 12 дугаар сарын 09-ны өдрийг “Авлигын эсрэг олон улсын өдөр” хэмээн зарлан тунхагласнаас хойш гишүүн улс орнууд энэ өдөр авлигын эсрэг олон нийтийн арга хэмжээг зорилтот бүлгүүдийг хамруулан зохион байгуулж, авилгын эсрэг олон нийтийн дуу хоолойг сонсох, хүсэл зоригоо илэрхийлэх боломж олгох, авлигыг үл тэвчих үзлийг төлөвшүүлэх, авлигын хор хөнөөлийг тайлбарлан таниулах зэргээр олон талын арга хэмжээг зохион байгуулдаг.
Авлигатай тэмцэх газраас Авлигын эсрэг олон улсын өдрийг угтан их, дээд сургуулийн оюутнуудад 2019 оны 11 дүгээр сарын 23-ны өдөр 13:00 цагаас “UB Palac”-ын Их танхимд залуучууд зөв шударга байх, өв уламжлалаа дээдлэн эрхэмлэх, хадгалах, түүчээлэх, үлгэр дууриал авах, эерэг зөв хандлага илтгэл, лекцийг нэр хүнд бүхий, олны танил эрхмүүдээр уншуулах арга хэмжээг зохион байгууллаа. Үүнд:
- Удирдлагын академийн профессор, доктор М.Мөнхболд “Үнэт зүйл ойлголт, хандлага”
- Андра академийн захирал, мисс, топ модель Х.Бадамгэрэл “Эерэг хандлага, гоо зүй”
- Нийгмийн ухаан, урлаг судлаач, продюссер Б.Наранзун “Бид ирээдүйд ямар байх ёстой вэ”
- “Шинэ Монгол” Эрдмийн хүрээлэнгийн ерөнхийлөгч, боловсрол судлалын доктор Ж.Галбадрах “Амьдралд сурсан, сураагүйн л ялгаа гардаг”
- “Номадик контент” ХХК-ийн үүсгэн байгуулагч Г.Гантуяа “Боломжгүй газар боломж байдаг” сэдвээр тус тус лекц уншиж оюутан, залуусын асуусан асуултанд хариулт өглөө.
ОЮУТАН, ТӨГСӨГЧИЙН ХЭЛТЭС
