МУИС-ийн суралцагчид Монголын тэргүүлэх аж ахуй нэгж болох Витафит группын “Гоё” тарагны үйлдвэр, Таван богд групптэй танилцах аялал хийлээ
Огноо:МУИС, Бизнетворк ХХК, хамтран Орлоготой оюутан хөтөлбөрийн хүрээнд “ТҮР АЖЛЫН БАЙРНЫ ӨДӨРЛӨГ” зохион байгуулах гэж байгаа билээ. Тус өдөрлөгийг 3 үе шаттайгаар зохион байгуулж байгаа бөгөөд 1-рт суралцагчдад ажил мэргэжлийн чиг баримжаа олгох сургалтуудыг 2019.11.04 өдөр зохион байгуулсан бол, 2-рт Монголын томоохон аж ахуй нэгж болох Таван богд групп, Витафит групп “Гоё” тарагны үйлдвэртэй танилцах аялал тус тус зохион байгуулаад байна. Танилцах аялалд 3, 4-р түвшний нийт 30-н суралцагч оролцож байгууллагуудын үйл ажиллагаатай бодитоор танилцан оффис менежер болон хүний нөөцийн менежерүүдтэй уулзалт зохион байгуулж сонирхсон зүйлсээ асууж тодруулахын зэрэгцээ цагийн ажилд бүртгүүлэх, тус байгууллагад дадлага хийх, төгсөөд байнгын ажлын байранд орох зэрэг хөдөлмөр эрхлэлтийн чиглэлээр өөрт хэрэгтэй олон мэдээллийг судаллаа. Байгууллагуудын хувьд үндэсний тэргүүлэх их сургууль болох МУИС-ийн төгсөгчдөөс ажлын байранд хүлээж авахдаа маш таатай байдаг бөгөөд боломжит цагийн ажилд суралцагчдыг хамруулан хамтран ажиллах бүрэн боломжтойг илэрхийлээд ямар ч ажилд хувь хүний “хандлага” маш чухал байдгийг суралцагчдад маань анхааруулж байлаа.
3-р үе шат бол суралцагчдыг цагийн болон урт хугацааны ажилд зуучлах гарцыг нэмэгдүүлэх,.ажил олгогч байгууллагуудын түр болон цагийн ажилд МУИС-ийн суралцагчдыг тогтмол ажиллуулах зорилгоор 2019.11.19-нд “ТҮР АЖЛЫН БАЙРНЫ ӨДӨРЛӨГ” зохион байгуулах юм. Тус өдөрлөгийн үеэр суралцагчид суралцаж байх хугацаандаа ажил хөдөлмөрт өөрийгөө бэлтгэх, ажлын байрны ярилцлагад хэрхэн орох болон CV бөглөх, хувь хүний хөгжлийн мэдээлэл авахын зэрэгцээ ажиллах чиг баримжаатай болох, өөрийгөө болон ажиллах гэж буй байгууллагаа бүрэн ойлгох чадвартай болох зэрэг олон талын ач холбогдолтойгоос гадна түр болон цагийн ажилд шууд зуучлагдах, ажил олгогч байгууллагуудын нөөцөд бүртгэгдэх давуу талтай юм.
Оюутан, төгсөгчийн хэлтэс
