ГАР УГААХ ӨДӨР БОЛЛОО
Огноо:НҮБ-ын Ерөнхий Ассамблей 2008 онд жил бүрийн аравдугаар сарын 15-ны өдрийг “Дэлхийн гар угаах өдөр” хэмээн тунхагласан. "Дэлхийн гар угаах өдөр "-ийг дэлхий даяар хүмүүсийг гараа савандаж угаахыг уриалж, олон нийтийн оролцоог дэмжих зорилгоор тэмдэглэдэг билээ. Нийтлэг тохиолддог халдварт өвчний 80% нь бохир гараар дамжин халдварладаг гэдэг судалгаа байдаг. Хүний эрүүл мэндэд нөлөөлөх олон хүчин зүйлүүдээс амьдралын хэв маяг 50-70 хувийг эзэлдэг болохыг Дэлхийн эрүүл мэндийн байгууллагааас тогтоосон байдаг. Эрүүл амьдралын хэв маягийг хэвшүүлж, гараа тогтмол, савандаж угаах дадлыг хэвшүүлэх нь эрүүл мэндээ хамгаалахад оруулж буй том хувь нэмэр болох юм.
“Дэлхийн гар угаах өдөр” -ийг тохиолдуулан МУИС-ийн дэргэдэх "ЗАЛУУЧУУДЫН УЛААН ЗАГАЛМАЙ” клуб МУИС-ийн 40 гаруй оюутан, багш ажилчдад гараа тогтмол угаахын ач холбогдолын тухай мэдээлэл өгч, гар ариутгагч гель бэлэглэлээ. Гараа тогтмол угаах нь өвчлөлөөс сэргийлэх хамгийн энгийн бөгөөд үр дүнтэй арга юм.
Хүмүүнлэг үйлс гэгээн болохоор мөнхөд оршдог юм
МУИС-ийн дэргэдэх "Залуучуудын улаан загалмай” клуб
Оюутан, төгсөгчийн хэлтэс
