Япон Улсын РИККО Их Сургуулийн 2020 оны хаврын улирлын оюутан солилцооны хөтөлбөрт урьж байна
Огноо:МУИС болон Япон Улсын РИККО Их Сургуулийн хооронд байгуулсан оюутан солилцооны гэрээний дагуу 2020 оны хаврын улирлын оюутан солилцооны хөтөлбөрийг зарлаж байна. Суралцах хугацаа 1-2 улирал байна.
Шаардлага:
- МУИС-ийн бакалаврын 2, 3 дугаар түвшний оюутан байх
- Голч оноо 3.0-аас дээш байна.
- Англи, Япон хэлний дундаас дээш түвшний мэдлэгтэй байх
- Харилцааны соёлтой, нээлттэй, суралцах чин хүсэл эрмэлзэлтэй байх
Бүрдүүлэх материал:
- Сургуулийн тодорхойлолт англи хэл дээр
- Албан ёсны дүнгийн хуулбар англи хэл дээр
- Англи хэл дээр тодорхойлох захиа -1% /Recommendation letter/ тодорхойлолт гаргагчийн албан ёсны хаяг, гарын үсэг, тамгатай байх
- Англи болон Япон хэлний онооны батламжийг хавсаргах. /TOEIC 700, JLPT N1/
- Гадаад паспортын хуулбар / хүчинтэй хугацаа 6 сараас дээш байна/
- Цээж зураг 2% / 4cm x 3cm /
- Эрүүл мэндийн үзлэгийн хавсаргасан маягтыг бөглөсөн байна.
- Банкны баталгаа /1 улирал суралцах бол 600,000 йен, 2 улирал суралцах бол 1,320,000 йены баталгааг гаргана/
Англи хэл дээр судалж болох хөтөлбөрийн жагсаалт:
Япон хэл дээр судлах/ердийн хөтөлбөрийн жагсаалт:
- https://sy.rikkyo.ac.jp/timetable/stop.do
Хамрагдах оюутны тоо: 2 оюутан
Сургалтын төлбөр, зардал: Солилцооны оюутан нь сургалтын болон элсэлтийн хураамж төлөхгүй бөгөөд оюутны байр ба бусад зардлыг өөрөө хариуцна.
Хүсэлт хүлээн авах эцсийн хугацаа: 2019 оны 11 дүгээр сарын 1-ний өдрийн 15.00 цаг
Хүсэлт гаргагч нь өөрийн бүрдүүлсэн материалыг МУИС-ийн хичээлийн II байр 216 тоот Оюутан, төгсөгчийн хэлтэст өөрийн биеэр авчирч өгөх ба өөрийн материалыг нэг багц PDF файл болгон studentaffairs@num.edu.mn хаягаар илгээнэ.
Оюутан, төгсөгчийн хэлтэс нь оюутан солилцооны хөтөлбөрт хүсэлт гаргасан оюутны материалыг Риккo Их Сургуулийн Оюутан Солилцооны Хөтөлбөрт илгээнэ. Тэнцсэн оюутан онлайн өргөдөл, бусад нэмэлт баримтыг Рикко их сургуулийн шаардсаны дагуу дахин бүрдүүлэн илгээхийг анхаарна уу.
ОЮУТАН, ТӨГСӨГЧИЙН ХЭЛТЭС
