“Undergraduate Women in Business Mongolia” клуб
Огноо:“Undergraduate Women in Business Mongolia” клубийн тухай
- Undergraduate Women in Business буюу Бизнес дахь эмэгтэй оюутнуудын холбоог 1994 онд Магистрийн төвшний 4 оюутан хамтран Америкт анх үүсгэн байгуулсан бөгөөд өнөөдөр дэлхийн топ их дээд сургуулиуд энэхүү клубийг салбарлан үзэл баримтлалыг нь үргэлжлүүлэн авч явсаар байна.
Тус оюутны байгууллага нь бизнесийн салбарыг сонирхон судалж, мэргэшиж буй эмэгтэй оюутнуудыг салбартаа амжилт олж, нийгмийн идэвхтэй, чадварлаг, манлайлагчид болоход нь дэмжих, нэгтгэх, хамтрах боломжийг нь бүрдүүлэхэд чиглэсэн үйл ажиллагаануудыг зохион байгуулдаг билээ.
Харин Монгол улс дахь оюутны клубийн анхны санаачилга болох Монгол дахь эмэгтэй бизнесийн оюутнуудын холбоо (Undergraduate Women in Business Mongolia) нь 2019 оны 9 сард бакалаврын эмэгтэй оюутнуудын санаачилгаар үүсгэн байгуулагдсан сайн дурын оюутны байгууллага юм.
- “Монгол дахь эмэгтэй бизнесийн оюутнуудын холбоо” оюутны байгууллагын ЗОРИЛГО:
- Бизнесийн салбарын мэргэжилтнүүд болон тус салбар дахь чадварлаг оюутан хоорондын харилцааг боловсрол, нийгэм, мэргэжлийн өсөлтийн төлөөх үйл ажиллагаануудаар дамжуулан бий болгох
- Бизнесийн салбарыг сонирхон мэргэшиж буй бүх чадварлаг эмэгтэй оюутнуудыг нэгтгэх, хамтдаа суралцах боломжийг бүрдүүлэх зэрэгт чиглэнэ.
- Үйл ажиллагааны чиглэл:
Клубын үндсэн үйл ажиллагааны нь гишүүдийн хувийн хөгжил, карьерийг дэмжихэд чиглэх ба энэхүү зорилгын хүрээнд нийгэм, байгууллагад чиглэсэн олон талт үйл ажиллагааг хамтран явуулна.
- Гишүүдээ чадваржуулах дотоод сургалт, хөтөлбөр: Мэнторшип, хамтын ажиллагаатай байгууллагуудын сургалт, үйл ажиллагаа.
- Нийгэмд чиглэсэн үйл ажиллагаа: “Бизнес эмэгтэйчүүд” чуулга, сайн дурын бусад үйл ажиллагаанууд.
- Хамтын ажиллагаа: Олон улсын болон дотоодын клуб, ТББ, бизнесийн байгууллагуудтай клубын цаашдын үйл ажиллагаа болон гишүүдийн хөгжилд хувь нэмэр оруулах зорилготойгоор хамтын ажиллагаа өрнүүлэх.
- Холбоо барих
Facebook хаяг:
https://www.facebook.com/Undergraduate-Women-in-Business-Mongolia-111218283594131/
Имэйл хаяг: uwibmn@gmail.com
Утас: +976 99298452 /Клубийн тэргүүн Ө.Номинмаа /
/Зөвлөхийн байр суурьтай байдаг Харвардын Их Сургууль дахь клубийн албан ёсны веб хуудас/
