“Гадаад хүнд монгол хэл заах арга зүй” эрдэм шинжилгээний ИЛТГЭЛ-ийн уралдаан боллоо
Огноо:Жил бүр ОТХ болон Монгол хэл-хэл шинжлэлийн тэнхимээс хамтран монгол хэлний бэлтгэл хөтөлбөрт суралцдаг оюутнуудын дунд явуулдаг “Гадаад хүнд монгол хэл заах арга зүй” эрдэм шинжилгээний хурал 2019 оны 04 сарын 26нд номын сангийн 203 тоотод 11:00 цагаас 14:00 цагийн хооронд боллоо. Энэ удаагийн эрдэм шинжилгээний хурлыг Илтгэлийн уралдаан хэлбэрээр зохион байгуулсан юм.
Монгол хэл сурч буй гадаад оюутны монгол хэл, түүх соёл, ёс заншил, уламжлалын талаарх мэдлэгийг дээшлүүлэх, эрдэм шинжилгээний ажлын арга барилд сургах, ирээдүйн монгол судлаач бэлтгэхэд уг уралдааны зорилго оршиж буй юм.
Уралдаанд нийт 14 илтгэл оролцсон бөгөөд академик, шинэлэг санаа агуулсан, Гадаад хүнд монгол хэл сурахад тулгарах бэрхшээл, сайжруулах арга зам эрэлхийлэлийг тусгасан байдал, судалгааны арга зүйн хүрээнд бүтээлч сэтгэлгээгээр хандсан байдал зэргийг харгалзан 1-3 байрт шалгаруулж Өргөмжлөл, үнэ бүхий зүйлээр шагнаж урамшууллаа.
- 1-р байр: Ван Яали /Бээжингийн их сургууль, Засгийн газрын гэрээгээр суралцагч / “Монгол, хятадын бага боловсролын тогтолцоо: Хүүхдэд иргэний боловсрол, ёс суртахууны мэдлэг олгож байгаа нь”.
- 2-р байр: Ван Шао Шүэн / Бээжингийн их сургууль, Засгийн газрын гэрээгээр суралцагч / “ Монгол хэлний машин орчуулгын арга зарчим”
- 3-р байр: Амин /Өвөрмонгол хувиараа суралцагч / “ Өвөр монгол оюутанд кирилл бичиг сурахад тулгардаг асуудлууд”
ОЮУТАН ТӨГСӨГЧИЙН ХЭЛТЭС
