Гадаад оюутнуудын зөвлөн чиглүүлэх өдөрлөг боллоо
Огноо:2018-2019 оны хичээлийн жилийн хаврын улиралд Монгол хэлний бэлтгэл, бакалавр, магистр, докторт шинээр элсэж буй гадаад оюутнуудад зориулсан зөвлөн чиглүүлэх өдөрлөгийг Оюутан, төгсөгчийн хэлтсээс амжилттай зохион байгууллаа.
Тус өдөрлөгт МУИС-д суралцаж буй ОХУ, Хятад /БНХАУ/, Австрали, Өмнөд Солонгос, БНФУ, Япон зэрэг гадаадын 40 гаруй оюутнууд оролцов.
Зөвлөн чиглүүлэх өдөрлөгийг Оюутан, төгсөгчийн хэлтсийн дарга Д-р М.Эрдэнэчимэг нээж, Оюутан, төгсөгчийн хэлтсийн мэргэжилтэн Ч.Урангаа, Б.Буянханд нар МУИС-ийн танилцуулга, сургалтын дүрэм журам, СиСи мэдээллийн систем, монгол хэлний бэлтгэлийн сургалт, хичээлийн жилд зохион байгуулагдах арга хэмжээ, Монгол улсад оршин суух үнэмлэх болон виз авах дүрэм журам, оюутны дотуур байрны журмын талаар мэдээлэл өгсөн бол Ном зүйч С.Найгалмаа номын сангийн үйл ажиллагааг танилцуулж хэрхэн үйлчилгээ авч болох талаарх мэдээллийг өдөрлөгт хүрэлцэн ирсэн оюунуудад өглөө.
Оюутан төгсөгчийн хэлтсээс гадаад оюутнуудад чиглэсэн “Чиглүүлэгч оюутан” хөтөлбөрийг хэрэгжүүлж эхэлсэн бөгөөд чиглүүлэгч оюутан нь гадаад оюутнуудад зөвлөн чиглүүлэх үйлчилгээг үзүүлэх юм.
