“Дээлтэй Монгол өдөрлөг” боллоо
Огноо:МУИС-ийн Оюутан төгсөгчийн хэлтэс, Оюутны холбоо, Оюутны конгресс нь “Олон улсын оюутны эрхийг хамгаалах өдөр”-ийг тохиолдуулан 2018 оны 11 дүгээр сарын 17-ны өдөр Хичээлийн II байрны А зааланд “ДЭЭЛТЭЙ МОНГОЛ ӨДӨРЛӨГ”- ийг зохион байгууллаа. Өдөрлөгийг нээж ОТХ –ийн дарга М.Эрдэнэчимэг үг хэлэв. 2018-2019 оны хичээлийн жилд МУИС-д монгол хэл, шинжлэл, утга зохиол судлал, олон улсын харилцаа, хууль зүй, бизнесс маркетинг, шашин судлал гадаад хэл шинжлэл, электроник, компьютер, мэдээллийн технолого зэрэг мэргэжлээр суралцаж байгаа ази , европын нийт 15 орноос ирсэн 440 оюутны төлөөлөл оролцсон юм.
“ДЭЭЛТЭЙ МОНГОЛ ӨДӨРЛӨГ”-өөр Монгол соёл, өв заншлыг таниулах, монгол оюутнуудтай танилцах, оюутан солилцоогоор суралцагч гадаад оюутнууд өөрсдийн их сургууль, өөрийн улсын боловсролын тогтолцоог таниулах, мөн оюутнуудын дунд тулгамдаад байгаа асуудлыг хөндөн тэдэнд зөвлөх, гадаад улсад суралцаж мэдлэг боловсролоо дээшлүүлэхээр зорьж буй монгол оюутнуудад боловсролын үнэ цэнийг мэдрүүлэх, харилцан туршлага солилцох зэргээр үйл ажиллагааг явуулж нэг оройг хөгжилдөн өнгөрүүлэв. Өдөрлөгөөр улс орноороо нэг баг болон монгол хоол бууз, хуушуур, банш, банштай цай, хийцтэй цайгаар дайлж, монгол бүжиг бүжиглэж, монгол дээл өмсөж загвар үзүүллээ.
Мөн хамгийн олон төрлийн амттай монгол хоол хийсэн улсаар Лаос оюутнууд шалгарч дурсгалын зүйлээр шагнуулсан бөгөөд идэвхитэй сайн оролцсон оюутнуудад Талархал гардууллаа.
ОЮУТАН, ТӨГСӨГЧИЙН ХЭЛТЭС
