МУИС-ийн оюутны клубууд 1797 оюутнаар эгнээгээ тэллээ
Огноо:2018 оны 9 дүгээр сарын 19-ний өдөр Номын сангийн 1, 2 дугаар давхарт МУИС-ийн оюутны байгууллага, клубуудын танилцуулах өдөрлөг боллоо. Энэхүү өдөрлөгт МУИС-ийн оюутны Num volunteer, Дипломат, Num alpha, Мини парламент, Психея, Let’s talk, Berkeley, Talented students, Бсонк, Srt, Snitch клуб, Хос уянга нэгдэл, Лука, Энтимема, Young researchers, Probe, Экологи эрдэм, Hackum, Урлаг +1, Boomerang, Num start up, Best, Залуу социологич, Улаан загалмай, Айсек num, Билим, Экологи, Landlord зэрэг 30 гаруй клуб оролцож үйл ажиллагаа, хэтийн зорилгын талаар мэдээлэл өгөн шинээр гишүүн элсүүлсэн байна.
Танилцуулах өдөрлөгийн үйл ажиллагаатай МУИС-ийн захирал Я.Төмөрбаатар, Сургалт, оюутан хариуцсан дэд захирал Б.Очирхуяг, Санхүү, төлөвлөлт хариуцсан дэд захирал Ч.Ундрам нар танилцаж клубуудын үйл ажиллагааг дэмжиж хамтран ажиллах, үйл ажиллагаанд нь тогтмол оролцож байх талаар санал солилцлоо.
Танилцуулах өдөрлөгийн үеэр нийт 1797 оюутан шинээр бүртгүүлсэн байна.
