“Мини Парламент” клуб
Огноо:“Мини Парламент” клубийн танилцуулга
“Мини Парламент” клуб нь Монгол Улсын Их Сургуулийн Олон харилцаа, Нийтийн удирдлагын сургуулийн Нийтийн удирдлагын тэнхимийн оюутнуудын нэгдэл бөгөөд Монгол Улсын Их Хурлын загвараар хуралддагаараа онцлог юм.
Эрхэм зорилго:
Клубийн гишүүдийн чадварыг олон талт байдлаар хөгжүүлэхийн зэрэгцээ хууль дүрмийг чандлан сахиж, нийгэм болон оюутанд ээлтэй олон үйл ажиллагааг зохион байгуулахад оршино.
Бүтэц зохион байгуулалт:Тамгын газар, 3 байнгын хороодод (Хууль зүй, гадаад бодлогын байнгын хороо, Шинжлэх ухаан, боловсролын бодлогын байнгын хороо, Байгаль орчин, нийгмийн бодлогын байнгын хороо) хуваагддаг бөгөөд эдгээр салбар нэгжүүд нь “Мини Их Хурлын Дүрэм”-ийн дагуу ажилладаг.
Үйл ажиллагааны чиглэл:- Төрийн удирдлагын хөтөлбөрөөр суралцаж буй оюутнуудад практик мэдлэг, дадлыг эзэмшүүлэх
- Клубийн гишүүдэд төрийн албан хаагчийн ёс зүй болоод хувь хүний ёс суртахууныг төлөвшүүлэх, албан хэв маягийг бий болгох
- Нийгмийн хариуцлагын үүднээс олон нийт болон оюутнуудад чиглэсэн сайн дурын үйл ажиллагааг санаачлан хэрэгжүүлэх
- “Төрийн удирдлага” мэргэжилдээ уялдуулан Парламентийн хурлыг загвар байдлаар зохион байгуулах
