Berkeley клуб
Огноо:
BERKELEY CLUB
МУИС-ийн ХЗС-ийн илтгэх урлаг, парламент болон шүүхийн мэтгэлцээний “Berkeley” клуб нь анх 1998 онд Хууль зүйн сургууль дээр эрх зүйч мэргэжлээр сурч буй оюутнууд санаачлан байгуулсан оюутны сайн дурын нэгдэл юм. Манай клуб нь Монгол Улс дахь их сургуулиудын хамгийн ууган мэтгэлцээний клуб мөн бөгөөд үе үеийн гинжин холбоог таслалгүй үйл ажиллагаагаа явуулсаар байна. Мөн 2020 онд “Berkeley moot court” шүүхийн мэтгэлцээний дүрмийг санаачлан бүх гишүүдийн хурлаар баталсан тул клубийн гишүүд илтгэх урлаг, парламент болон шүүхийн мэтгэлцээнээр хичээллэж өөрийн ур чадвараа нэмэгдүүлэх, багаар ажиллах чадварт суралцах, эрх зүйч мэргэжлийн практик ур чадварыг эзэмших бүрэн боломжтой юм.
Эрхэм зорилго: Клубийн гишүүнчлэл бүхий эрх зүйч мэргэжлээр сурч буй оюутнуудад хууль зүйн салбарын практикт үнэлэгдэх нөхцөлийг хангахын тулд бакалаврын сургалтаар олж авах боломжгүй мэтгэлцэх, илтгэх зэрэг нэмэлт чадваруудыг эзэмших боломжийг бүрдүүлэхэд манай клубийн эрхэм зорилго оршино.
Гишүүнчлэл: МУИС-ийн ХЗС-ийн илтгэх урлаг мэтгэлцээний Berkeley клубийн дотоод дүрмийн дагуу тус клубийн гишүүн нь МУИС-ийн ХЗС оюутан байна. Мөн дүрмийн дагуу МУИС-ийн оюутан бөгөөд ХЗС-руу элсэн суралцах хүсэлтэй бусад салбар сургуулийн оюутан нь манай клубт элсэх боломжтой болно.
Үйл ажиллагаа: МУИС-ийн ХЗС-ийн Berkeley клуб нь хичээлийн жилийн долоо хоног бүр мэтгэлцээн, илтгэлийн бэлтгэлийг гишүүдийн дунд зохион байгуулаад зогсохгүй уламжлал болон тогтсон хэд хэдэн үйл ажиллагааг жил бүр явуулж байна. Үүнд:- Шинэ элсэгчдэд зориулсан D&R буюу илтгэл болон мэтгэлцээний анхан шатны ойлголт олгох сургалт,
- Намар болон хаврын шинэ элсэлтийн дараах клубийн нийт гишүүдийн зугаалга,
- “Berkeley cup” клубийн дотоодын аварга шалгаруулах уран илтгэл, парламентийн мэтгэлцээний тэмцээн,
- МУИС-ийн ХЗС-ийн аварга шалгаруулах шүүхийн мэтгэлцээний тэмцээн,
- Сар бүрийн гишүүдэд зориулсан эрх зүйч мэргэжлийн чиглэл олгох сургалт,
- Долоо хоног бүрийн илтгэл, мэтггэлцээний бэлтгэл,
- Клубийн тэргүүн, удирдах зөвлөлийг сонгох нийт гишүүдийн хурал болон шинэ жил, холбогдох бусад баярын чөлөөт үйл ажиллагааг нийт гишүүдийн дунд зохион байгуулах зэрэг багтаж байна.
Холбогдох утас: 99588931
Facebook page: Илтгэх урлаг, мэтгэлцээний Berkeley клуб
