“ЗАЛУУ НИЙГМИЙН АЖИЛТАН” клуб номын аян өрнүүллээ.

Нийгмийн хамгааллын тусгай төвөөс санаачилсан “НОМ” төслийг МУИС- ын Социологи Нийгмийн ажлын тэнхимийн 25 жилийн ойн арга хэмжээний хүрээнд Залуу Нийгмийн ажилтан клуб хамтран хэрэгжүүлж тус төвөөр үйчлүүлэх иргэдийн оюуны боловсролыг дэмжих зорилго бүхий “НОМ ХАНДИВЛАХ” аяныг ОУУБИСургууль болон бусад албан байгууллага, хувь хүмүүс хамтран хэрэгжүүллээ. “Ном хандивлах” аяны Нийслэлийн Засаг Даргын Дэргэдэх “Нийгмийн Хамгааллын Тусгай Төв” нь нийгмийн эмзэг бүлгийн иргэдэд үйлчилгээ үзүүж буй Монгол улсын хэмжээнд байгаа төрийн статустай ганц байгууллага юм. Тус байгууллага нь иргэдийн бичиг баримтын бүрдэлт, эрүүл мэнд, хууль, хөдөлмөр эрхлэлт, хувь хүний хөгжлийн сургалтууд болон мэргэшүүлэх сургалтуудыг олгож иргэдийг ажлын байранд зуучлан бие даан амьдрахад нь туслан дэмжиж байна. Гэвч тус төвд байрлаж буй болон төвөөр үйлчлүүлж буй иргэдийн амралт чөлөөт цагийг зөв боловсон өнгөрөөх номын сан бүхий оюуны хөгжил соён гэгээрлийг дэмжсэн орчин нэн дутагдалтай байгаа тул “Нийгмийн Хамгааллийн Тусгай Төв“ – өөс “НОМ” төслийг санаачилж хэрэгжүүллээ. “НОМ” төслийн хамтран ажиллагч байгууллагаар “Залуу Нийгмийн ажилтан” клуб болон МУИС, ОУУБИСургууль болон бусад байгууллага, хувь хүмүүс хамтран тус иргэдэд нэн шаардлагатай байгаа хүний хөгжил, эрүүл мэнд, уран зохиол, танин мэдэхүйрүү чиглэсэн ном товхимолыг хүлээн авлаа.

Нийгмийн хамгааллын тусгай төвийн номын сантай болон тус байгууллагатай “Залуу Нийгмийн ажилтан” клубын гишүүд очиж танилцлаа.

ОУУБИС – ын Нийгмийн ажлын ангийн оюутнууд 127 ш ном хандивлалаа.

Нийгмийн Хамгааллын тусгай төвийн нийгмийн ажилтнууд: Б.Батбилэг

Э. Пүрэвсүрэн

Их дээд сургуулиуд болон албан байгууллага, хувь хүнээс нийтдээ 448 ширхэг сэтгүүл, ном товхимолыг цуглуулан хандивлалаа. Хамтарч ажилласан ОУУИСургууль, Х пресс хэвлэлийн үйлдвэр, Эмнести интернэшнл байгууллага болон бүх хувь хүмүүсд талархсанаа илэрхийлье. "Залуу Нийгмийн ажилтан" клуб.

Уг төсөл хэрэгжсэнээр орон гэргүй, тэнэмэл иргэд номоор дамжуулан өөртөө хариуцлагатай хандаж, нийгмийн соёлыг хүндэтгэж бусадтай зөв боловсон харьцах, оюуны боловсролыг чухалчлан үзэх хандлага бий болж олон эерэг үр дагаварууд гарах болно. Өөрийн ном товхимолоо хандивласан хувь хүн, албан байгууллага та бүхэн бидэндтэй хамтарч ажилласан явдалд баярлалаа. “ЗАЛУУ НИЙГМИЙН АЖИЛТАН” клуб