МУИС: “Оюутны Урлагийн Их Наадам” амжилттай болж өнгөрлөө

Огноо: 2017-03-272017-03-27

МУИС-ийн Оюутны алба, МУИСОХ, Оюутан Конгресс хамтран зохион байгуулсан “Оюутны Урлагийн Их Наадам”-2017 өнгөрсөн бямба гарагт буюу 2017.03.25-ны өдөр Улаанбаатар чуулгын их танхимд амжилттай боллоо.

Жил бүр уламжлал болгон явуулдаг энэхүү наадамд МУИС-ийн ШУС-БУС, ШУС-НУС, ШУС-ХУС, ХШУИС, БС, ХЗСургуулийн нийт 300 гаруй авьяаслаг оюутан залуус оролцож авхаалж самбаа авъяас чадвараараа өрсөлдлөө.

Мянга орчим үзэгч, хөгжөөн дэмжигчдийн халуун алга ташилтаар бүтэн өдрийн турш үргэлжилсэн энэхүү наадмын нээлтэнд МУИС-ийн захирлын үүрэг гүйцэтгэгч Я.Төмөрбаатар, МУИС-ийн Оюутны хөгжил хамтын ажиллагаа эрхэлсэн дэд захирал О.Мөнхбат, Захиргаа хяналт шинжилгээ үнэлгээний албаны дарга В.Батцэнгэл ШУС-НУС-ийн захирал Б.Энх-Амгалан нар оролцлоо.

Урлагийн их наадмын шүүгчээр УДЭТ-ийн жүжигчин, СУИС-ийн багш МУСТА Г.Амгаланбаатар,  Улаанбаатар чуулгын бүжигчин, СУИС-ийн багш бүжиг дэглээч МУСТА Д.Энхгэрэл, NUANS хамтлагийн дуучин МУСТА М. Амарсанаа нар ажиллаа.

Сургууль сургуулийн “Оюутны урлагийн бага наадам”-аас шигшигдэн гарч ирсэн оюутнуудын тоглолт бүр үзэгчдийн таашаалд хүрч, мэргэжлийн түвшний дуучин, жүжигчнээс дутахааргүй авьяас чадвартай гэсэн үнэлэлтийг ч авч байсан гэдгийг энэ дурьдан хэлэх нь зүйн хэрэг биз.

Мэндчилгээ, гоцлол дуу, ардын болон язгуур урлаг, хөгжим, цэнгээнт бүжиг, хамтлаг дуу, хамтлаг бүжиг/чөлөөт/ гэсэн 7 төрлөөр өрсөлдөж, нийт багийн дүнгээр Шинжлэх ухааны сургуулийн Нийгмийн ухааны салбарын баг хамт олон тэргүүн байрыг эзэлж бусдыгаа манлайлж өргөмжлөл мөнгөн шагналын эзэд боллоо.

Шагналт байранд:

Нийлбэр дүнгээр тэргүүн байр 

1. ШУС-ийн Нийгмийн ухааны салбар
2. Хэрэглээний шинжлэх ухаан, инженерчлэлийн сургууль (ХШУИС)
3. Бизнесийн сургууль

Мэндчилгээ:

1. ШУС-ийн Нийгмийн ухааны салбар
2. Хэрэглээний шинжлэх ухаан, инженерчлэлийн сургууль (ХШУИС)
3. ШУС-ийн Хүмүүнлэгийн ухааны салбар

Гоцлол дуу:

1. Хэрэглээний шинжлэх ухаан, инженерчлэлийн сургууль (ХШУИС)
2. ШУС-ийн Нийгмийн ухааны салбар
3. ШУС-ийн Байгалийн ухааны салбар

Ардын урлаг:

1. Хууль зүйн сургууль
2. Хэрэглээний шинжлэх ухаан, инженерчлэлийн сургууль (ХШУИС)
3. ШУС-ийн Нийгмийн ухааны салбар

Цэнгээнт бүжиг:

1. Бизнесийн сургууль
2. Хэрэглээний шинжлэх ухаан, инженерчлэлийн сургууль (ХШУИС)
3. ШУС-ийн Нийгмийн ухааны салбар

Хөгжим

1. Бизнесийн сургууль
2. ШУС-ийн Нийгмийн ухааны салбар
3. Хэрэглээний шинжлэх ухаан инженерчлэлийн сургууль (ХШУИС)

Хамтлаг дуу: 

1. ШУС-ийн Нийгмийн ухааны салбар
2. ШУС-ийн Хүмүүнлэгийн ухааны салбар
3. Бизнесийн сургууль

Чөлөөт бүжиг:

1. ШУС-ийн Хүмүүнлэгийн ухааны салбар
2. ШУС-ийн Нийгмийн ухааны салбар
3. Хэрэглээний шинжлэх ухаан, инженерчлэлийн сургууль (ХШУИС)

Та нартаа сурлага, урлагийн амжилт хүсье. Оролцогч оюутан бүр энэ өдрийн Ялагч юм шүү. Та бүхэн минь  Монгол Улсын тэргүүлэх их сургуульд суралцаж байгаа оюутнаас тодорч, үлгэрлэж байгаа учраас.

 

МУИС-ИЙН ОЮУТАН МОНГОЛЫН ИРЭЭДҮЙ

МУИС-ОЮУТНЫ АЛБА