МУИС-ийн Оюутны байгууллага болон клубуудын чуулга уулзалт боллоо
Огноо:
2015 оны 11-р сарын 14-нд Оюутны оролцоо, санал санаачилгыг хөгжүүлэн дэмжих, оюутны сайн дурын байгууллага, клубуудын үйл ажиллагааг эрчимжүүлж, оюутанд хүрэх үр өгөөжийг нэмэгдүүлэх үүднээс МУИС-ийн Оюутны байгууллага, клубуудын чуулга уулзалт боллоо.
Уузалтанд оюутны байгууллага, клубуудын 40 гаруй төлөөлөл оролцлоо.
Чуулга уулзалтаар: 1.Оюутны байгууллага, клубуудын төлөөлөх чадвар, тэдний легитим шинж, стандартыг тодорхойлох 2.Оюутны хөгжилд өөрийн оролцоог нэмэгдүүлэх арга зам, хэлбэрүүд, клубуудын гүйцэтгэх чиг үүргийг тодорхойлох 3.Клубуудын хөгжлийн чиглэл, эрхэмлэх зүйлсийг тодорхойлох 4.МУИС-Клубийн хамтын ажиллагаа, Хамтын ажиллагааны арга хэлбэрүүд 5.Оюутны үйлчилгээ, түүнийг сайжруулах нь гэсэн 5 асуудлын хүрээнд оюутнууд өөрсдийн санал бодлоо солилцон тэдний өмнө тулгарч байгаа асуудлыг хэрхэн шийдэх асуудлыг харилцан ярилцсан үр дүнтэй чуулга уулзалт болж өндөрлөлөө.
Чуулганы хэлэлцүүлгээс гарсан санал санаачлагыг “Оюутны клубийн эрхэмлэх зүйл” гэсэн баримт бичигт тусгах болно.
Чуулга уулзалтын зохион байгуулалтын техник асуудлыг МУИС-ийн Оюутны алба хариуцаж, оюутны оролцоог хангах, идэвхжүүлэх ажлыг МУИСОХ болон Магистр докторын оюутны холбоо хариуцан ажиллаа.
