“Дипломат ёслол, баримт бичиг боловсруулалт” хичээлийн богино хэмжээний кино уралдаан 4 дэх жилдээ зохион байгуулагдлаа
Огноо:МУИС-ийн ОУХНУС-ийн оюутнуудын дунд “Дипломат ёслол, баримт бичиг боловсруулалт” хичээлийн хүрээнд онолын мэдлэгээ практикаар бататгах, бүтээлч сэтгэлгээ, уран сэтгэмж, багаар ажиллах чадварыг хөгжүүлэх зорилгоор зохион байгуулдаг богино хэмжээний кино уралдаан 2016 оны 4-р сарын 28-нд 4 дэх жилдээ амжилттай зохион байгуулагдлаа.
Кино уралдаанд ирсэн 6 бүтээлийг тус сургуулийн багш нараас бүрдсэн комисс шалгаруулсан бөгөөд шинэлэг санаа, бүтээлч сэтгэлгээ, агуулга, ач холбогдлоороо бусдыгаа хошуулчилсан, сонирхолтой кино хийж оролцсон Ц.Намсрай ахлагчтай ОУХ 3-2 ангийн баг тэргүүн байр, Б. Ууганбат ахлагчтай ОУЭЗХ 3-2 анги дэд байр, Б.Жамбал ахлагчтай ОУХ 3-1 анги гутгаар байр эзлэж, өргөмжлөл, мөнгөн шагнал гардлаа.
Дипломат ёслол, бизнесийн ёс горимын талаар гадаад харилцааны ажилтнуудын анхаарах ёстой хэм хэмжээг сургамжтай, бас хөгжилтэй хэлбэрээр илэрхийлсэн богино хэмжээний эдгээр кино нь энэ мэргэжлээр суралцаж буй оюутнуудад гарын авлага болохоос гадна оюутан насны мартагдашгүй дурсамж, сургуулийн түүхийн нэгээхэн хэсэг болж үлддэгээрээ ач холбогдолтой юм.
Энэ удаагийн уралдаан нь өмнөх жилүүдтэй харьцуулбал дуу дүрсний чанар, жүжиглэлт, оролцогчдын идэвх чармайлт зэргээрээ илүү өндөр байсан бөгөөд уралдааны шүүгчээр ахлах багш Д. Оюунсүрэн, ахлах багш Г. Баасанхүү болон Сургалтын албаны ажилтан Ш. Солонго нар ажиллав.
Уралдаанд тэргүүн байр эзэлсэн бүтээлийг доорхи линкээр орж сонирхоно уу:
https://www.dropbox.com/s/gzeg78eiqwxfqwk/Oukh_WMV.wmv?dl=0
