Гадаад оюутнуудад Монгол улсын ЭМД тогтолцооны талаар мэдээлэл хийлээ

Огноо: 2016-04-112016-04-11

Эрүүл мэндийн даатгалын шинэчилсэн хуулийг хэрэгжүүлэхтэй холбогдон Оюутны алба, СБД-ийн Нийгмийн даатгалын хэлтсийн ЭМД-ын мэргэжилтэнүүдтэй хамтран МУИС-ийн гадаад оюутнуудад зориулан Монгол улсын ЭМД тогтолцооны талаар  2016 оны 04 дүгээр сарын 09 нд хичээлийн I байрны дугуй зал-нд мэдээлэл хийлээ.

ЭМД-ын тогтолцооны мэдээллүүдэд:

• –Монгол Улсын ЭМД-ын тогтолцоо,
• –Эрүүл мэндийн нийгмийн болон хувийн даатгалын ялгаа, зарчим,
• –ЭМД-ын ач холбогдол,
• –Гадаадын иргэн, оюутнууд ЭМД-д хэрхэн хамрагдах,
• –Хоёр улсын Засгийн газар хооронд хэлэлцээрийн дагуу ОХУ-ын иргэн, оюутнууд эрх,
• –ЭМД-ын тусламж, үйлчилгээний багцын талаарх мэдээлэл гэсэн мэдээллүүд багтлаа.

Оюутнуудын сонирхсон асуултууд:

• –Оношилгоо, шинжилгээ хийлгэх тухай, өндөр өртөгтэй IMRI оношилгоо хийлгэхэд ЭМД-аас хөнгөлөх эсэх,
• –ЭМД-д хамрагдахаас өмнө тусламж, үйлчилгээ авсан тохиолдолд даатгалд хамрагдаад мөнгөө буцааж авч болох эсэх,
• –Ослын даатгал,
• –Шүдний эмчилгээг хаана хийлгэх,
• –Эмийн үнийн хөнгөлөлт яаж авах,
• –Эмнэлэгт үзүүлэхэд өндөр төлбөр нэхдэг талаар,
• –Цөсний хагалгаа зэрэг тусламж, үйлчилгээг ЭМД-аас зардлыг нь хөнгөлдөг эсэх, г.м асуултуудыг асуулаа.

Оюутнуудын санал хүсэлт:

• –Гадаадын оюутныг ЭМД-д нэгдсэн байдлаар хамруулах боломж. Тухайлбал, сургууль эсвэл гадаад оюутны байранд өдөр товлон ЭМД-ын шимтгэлээ төлж даатгалд хамрагдах,
• –ЭМД-тай гэрээ бүхий эмнэлгийн жагсаалт авах,
• –Эмийн үнийн хөнгөлөлт үзүүлэх эмийн жагсаалт авах,
• –Англи хэл дээр вэб сайтаас ЭМД-ын мэдээлэл авмаар байна гэсэн санал хүсэлтээ илэрхийллээ.