Оюутны байгууллага, клубууд шалгарсан төслийн батламжаа хүлээн авлаа
Огноо:МУИС-ийн Оюутны албанаас 2015-2016 оны хичээлийн жилийн хаврын улиралд хэрэгжүүлэх боломжтой оюутны санаачлагатай төслийн сонгон шалгаруулалтыг зарлан 3 үе шаттай зохион байгууллаа. Төслүүдийн сонгон шалгаруулалтыгМУИС-ийн Захирлын тушаалаар томилогдсон 12 хүний бүрэлдэхүүнтэй ажлын хэсэг томилогдон ажиллав. Нийт 28 төсөл ирснээс төслийн үндэслэл, хэрэгцээ шаардлага, зорилго, зорилт, хүрэх үр дүн зэргийг харгалзан 34.670,000 төгрөгийн төсөвтэй 13 байгууллага, клубын 17 төсөл шалгарч өнөөдөр батламжаа гардан авлаа. Энэхүү төсөвт өртөгт Орхон сургууль, Завхан сургуулийн оюутны байгууллага клубуудыг дэмжих, мөн төслийн хэрэгжилт, үр дүнд мониторинг, үнэлгээгээр сайн үнэлэгдсэн багын гишүүдийг урамшууллыг багтаасан болно. Шалгарсан төслүүдийн санхүүжилтын эрх гэрээ байгуулснаар хүчин төгөлдөр болох бөгөөд 2015-2016 оны хичээлийн жилийн хаврын улиралд хэрэгжиж дуусах юм.
МУИС-ийн хэмжээнд оюутны байгууллага, клубын дунд төслийн нээлттэй сонгон шалгаруулалт явуулсан оюутны үйлчилгээнд тэдний оролцоог нэмэгдүүлэх, оюутны эрэлт хэрэгцээ, дур сонирхолд нийцсэн ажлыг хэрэгжүүлж, ил тод нээлттэй байх зарчмыг хэрэгжүүлснээрээ чухал ач холбогдолтой юм.
