Бакалаврын түвшний оюутны мэргэжлийн хөтөлбөр сонгох журам танилцуулах сургалт
Огноо:ШУС-ийн ХУС, БУС, НУС–ын 2015-2016 оны хичээлийн жилд ерөнхий суурь хөтөлбөрийн I түвшний оюутнуудад мэргэжлийн хөтөлбөр сонгох журам танилцуулах сургалт 2016 оны 2 сарын 26-29-ний хооронд явагдсан. /Энэхүү сургалт нь мэргэжлийн хөтөлбөр сонголт, мэргэжил сурталчлах өдөрлөгөөс өмнө явуулснаар хөтөлбөр сонгох журмын талаар тодорхой ойлголттой болгох зорилготой юм./ I түвшний оюутан хариуцсан зөвлөх багш нар болон оюутнуудыг бүрэн хамруулж ажилласан болно.
Сургалтыг 2016 оны 02 сарын 26- ны өдөр 16.00 цагт хичээлийн II байрны А зааланд /343тоот/ Хүмүүнлэгийн ухааны салбарын I түвшний оюутан, зөвлөх багш нарт явуулж, 2016 оны 02 сарын 29- ны өдөр 16.00 цагт хичээлийн II байрны А зааланд /343тоот/ Байгалийн ухааны салбар болон Нийгмийн ухааны салбарын I түвшний оюутан, зөвлөх багш нарт тус тус сургалт явуулсан.
ШУС-ийн Сургалтын албаны эрхлэгч А.Амарзаяа сургалтыг танилцуулсан бөгөөд үйл ажиллагаа болон оюутны идэвх, оролцоог хангах үүднээс мэргэжилтэн С.Чулуунцэцэг, С.Цэлмэгсайхан, Д.Отгонцэцэг, О.Одсүрэн, Р.Бигэрмаа, М.Содномсүрэн, Ц.Энхтайван нар тус тус явуулсан. Энэ үеэр суралцагч суралцуулах гэрээг тухайн салбарын оюутан тус бүрээр байгуулсан. Зар мэдээллийг сургалт эхлэхээс хоёр хоногийн өмнө самбар болон оюутны бүх файсбүүк хуудсанд, ШУС-ийн вэб сайтанд байршуулсан болно.
Сургалтын алба – Оюутны алба
