Япон Улсын Акита Олон Улсын Их Сургуулийн хаврын улирлын оюутан солилцооны хөтөлбөр зарлагдлаа

Огноо: 2023-09-18

МУИС болон Япон Улсын Акита Олон Улсын Их Сургууль (Akita International University)-ийн хамтын ажиллагааны гэрээний хүрээнд 2023-2024 оны хаврын улирлын оюутан солилцооны хөтөлбөрийг зарлаж байна.

Шаардлага:

МУИС-ийн бакалавр, магистрын хөтөлбөрийн идэвхтэй суралцаж буй (төгсөх болзол хангаагүй) оюутан байх /хамгийн багадаа 2 улирал амжилттай суралцсан байх/
Голч оноо 2.5 буюу түүнээс дээш
Англи хэлээр суралцах бол TOEFL iBT 71, IELTS 6.0, TOEIC 785, PBT/ITP 530 эсвэл түүнээс дээш оноотой байх.

Бүрдүүлэх материал:

Сургуулийн тодорхойлолт (англи хэл дээр, тамгатай байх)
Албан ёсны дүнгийн хуулбар (англи хэл дээр, тамгатай байх, https://web.aiu.ac.jp/en/short-term/semester-year-programs/how-to-apply/#documents )
Тодорхойлох захидал (профессор багшийн гарын үсэг, он сар өдөр бүхий)
Хэлний мэдлэгийг харуулсан сертификат
Гадаад паспортын хуулбар
Цээж зураг (сүлийн 3 сарын дотор авхуулсан, 800рх х 600рх хэмжээтэй, jpg эсвэл png өргөтгөлтэй, малгай болон нүдний шилгүй, цагаан артай)
Санхүүгийн/банкны баталгаа. 1 семестр суралцах бол – 700,000 йен, 2 семестр суралцах бол – 1,200,000 йены баталгаа (Банкны англи хэл дээрх хамгийн ихдээ 1 сарын өмнөх албан тодорхойлолт байна)

Төлбөр:  Сургалтын төлбөрөөс чөлөөлнө. Байр (https://web.aiu.ac.jp/en/campuslife/housing/#details) болон бусад зардлыг оюутан өөрөө хариуцна.

Хамрагдах оюутны тоо:  1

Хөтөлбөрийн жагсаалт болон бусад дэлгэрэнгүй мэдээллийг дараах линкээр холбогдон авна уу: https://web.aiu.ac.jp/en/academic/

Хүсэлт гаргах сүүлийн хугацаа:  Бүрдүүлсэн бичиг баримтыг studentaffairs@num.edu.mn хаягаар 1 багц файл болгон хэдэн суралцах улирал, утасны дугаарын хамт 2023 оны есдүгээр сарын 18-ны өдрийн 12:00 цагаас өмнө ирүүлнэ үү. (хугацааг сунгахгүй тул тодруулах асуулт байвал хүсэлт гаргах сүүлийн хугацаанаас өмнө холбогдоно уу)

Сонгон шалгаруулалтыг Акита олон улсын их сургууль хийж, хариуг гаргана. Тэнцсэн оюутан онлайн өргөдөл, бусад нэмэлт баримтыг Акита олон улсын их сургуулиас шаардсаны дагуу дахин бүрдүүлэн тус сургуулийн онлайн бүртгэлийн системд заасан хугацаанд илгээхийг анхаарна уу.

ОЮУТНЫ ХӨГЖЛИЙН ТӨВ

Багш, оюутны хөгжлийн төв, 306 тоот

77307730-1519