МУИС-ийн “Оюутны дотуур байр”-нд оршин суух оюутнуудын анхааралд

Огноо: 2023-08-18

МУИС-ийн 2023-2024 оны хичээлийн жилд оюутны дотуур байранд суух оюутны бүртгэл 2023.08.23-ны 09.00 цагт эхэлнэ.

Бүртгэл явагдах хугацаа: 

• Бүртгэл нээх -2023.08.23-ны өдрийн 09.00 цагт
• Бүртгэл дуусах- 2023.08.28-ны өдрийн 15.00 цаг хүртэл Сиси мэдээллийн системээр цахимаар явагдана.

Баталгаажуулалт хийх хугацаа:

МУИС-ийн “Оюутны дотуур байр”-ны журмын 3.1.7 дахь заалтыг үндэслэн эрэмбийн дагуу бүртгүүлснээс хойш 24 цагийн дотор Сиси мэдээллийн системээр бүртгэлээ баталгаажуулж төлбөрөө төлнө.

МУИС-ийн Оюутны дотуур байранд орох хүсэлт Сиси мэдээллийн системээр өгсөн оюутнууд дараах эрэмбийн дагуу баталгаажуулалтаа хийнэ. Үүнд:

• I- түвшний оюутнууд: 2023 оны 08 дугаар сарын 29-ний өдрийн 10.00 цагаас эхлэн 24 цагийн дотор өрөөгөө сонгон баталгаажуулна.
• II-түвшний оюутнууд: 2023 оны 08 дугаар сарын 30-ны өдрийн 10.00 цагаас эхлэн 24 цагийн дотор өрөөгөө сонгон баталгаажуулна.
• III, IV, V-түвшний оюутнууд: 2023 оны 08 дүгээр сарын 31-ний өдрийн 10.00 цагаас эхлэн 24 цагийн дотор өрөөгөө сонгон баталгаажуулна.
• Улаанбаатар хотын алслагдсан дүүргийн оюутнууд 2023 оны 09 дүгээр сарын 01-ний өдрийн 10 цагаас эхлэн 24 цагийн дотор өрөөгөө сонгон баталгаажуулна.

Жич: Жагсаалт гарсан өдрөөс эхлэн амьдрах өрөөгөө сонгон баталгаажуулах үйл ажиллагаа эрэмбийн дагуу тус тус 24 цагийн зайтай явагдана. Эхний өдөр баталгаажуулж чадаагүй бол дараагийн өдрөөс дахин сонголт хийж баталгаажуулна. 

1. БАЙРНЫ ТӨЛБӨР ТӨЛӨХ ЗААВАР:

• БАНК- ГОЛОМТ БАНК

ДАНСНЫ ДУГААР– 8115006177

ХҮЛЭЭН АВАГЧИЙН НЭР – МУИС  ТӨВЛӨРСӨН САН, төлбөрийг бүтэн жилээр төлнө.

1. Төлбөр төлөхдөө гүйлгээний утгад дараах мэдээллийг заавал бичнэ.

• SISI ID хаяг
• Овог нэр
• Утасны дугаар

1. Гэнэтийн ослын даатгалд хамрагдсан баримт
2. Эрүүл мэндийн үзлэг шинжилгээнд хамрагдсан баримт бичгийг бүрдүүлсэн байна.

Эрүүл мэндийн үзлэг нь доорх нарийн мэргэжлийн эмч нар (орон нутгийн суралцагчид харьяа эмнэлэг болон аль ч эмнэлэгт үзүүлж болно)-ын үзлэгт хамрагдсан байна. Үүнд:

• Дотор
• Мэдрэл
• Чих, хамар, хоолой
• Сүрьеэ
• Халдварт
• БЗДХ
• Сэтгэц, мэдрэл

      Жич: Эрүүл мэндийн хуудасны маягтыг ЭНД дарж авна уу.

Дээрх шаардлагыг бүрэн хангасан суралцагчдыг 2023 оны 08 дугаар сарын 30-ны өдрөөс эхлэн дотуур байранд хүлээн авна.

МУИС-ийн Удирдах зөвлөлийн 2023 оны 02 дугаар сарын 14-ний өдрийн хурлын 02-р тогтоолоор оюутны дотуур байрны үйлчилгээний төлбөрийг шинэчлэн баталсныг хавсаргав.