МУИС-ийн Индэр цуврал лекц зохион байгуулагдлаа.

Огноо: 2023-05-062023-05-06

МУИС-ийн оюутнууддаа зориулан уламжлал болгон зохион байгуулдаг МУИС-ийн ИНДЭР цуврал лекцийг оюутнуудаа хүргэдэг билээ. Улс орныхоо хөгжил дэвшил, ард түмний үнэт зүйлс, үндэсний бахархлын тогтолцоог төлөвшүүлэхэд МУИС-ийн эрдмийн хамт олон, оюутан суралцагчдын гүйцэтгэх үүрэг хариуцлагыг нэмэгдүүлэх, идэвхтэй оролцоо бүтээлч хандлагыг дэвжээн бэхжүүлэхэд хөтөлбөрийн зорилго оршино.

2022-2023 оны хичээлийн жилийн 05 дугаар сарын МУИС-ийн индэр цуврал лекц сургалтыг нээж Оюутны хөгжлийн бодлогын газрын дарга В.Дашдаваа нээж үг хэллээ.

МУИС-ийн оюутнууддаа зориулан зохион байгуулдаг МУИС-ийн индэр цуврал лекцийн энэ удаагийн лекцийг 2023 оны 5-р сарын 1-ний өдөр Монгол Улсын Их Сургуулийн хичээлийн төв байрны дугуй танхимд зохион байгууллаа.

Энэ удаагийн зочин илтгэгчээр Дээд боловсролын Инженерчлэлийн салбарыг хөгжүүлэх төсөл болох MJEED хөтөлбөрийн “Нано материал, түүний хэрэглээ” дэд төслийн хүрээнд Япон улсын Хоккайдо Их Сургуулийн Био-анагаах ухаан, инженерчлэлийн сургуулийн профессор Айкава Масаюүки хүрэлцэн ирж “Applications of nuclear reactions and radionuclides” сэдвээр 60 гаруй оюутан судлаачдад илтгэл тавилаа.

Мөн лекцэнд урилгаар Хөдөө Аж Ахуйн Их Сургуулийн дэд захирал Б.Мөнхбат, МУИС-ийн Хими биологийн инженерчлэлийн тэнхимийн профессор Ч.Ганзориг, Цөмийн Физик Судалгааны төвийн захирал Д.Ичинхорлоо, судлаач Ц.Золбадрал нар тус тус оролцлоо.

ОЮУТНЫ ХӨГЖЛИЙН ТӨВ