БНСУ-ын Ханкүүк гадаад хэлний их сургуулийн 2023-2024 оны хичээлийн жилийн намрын улирлын оюутан солилцооны хөтөлбөр зарлаж байна

Огноо: 2023-03-09

МУИС болон БНСУ-ын Ханкүүк гадаад хэлний их сургуулийн хооронд байгуулсан хамтын ажиллагааны гэрээний хүрээнд оюутан та бүхнийг 2023-2024 оны хичээлийн жилийн намрын улиралд тус сургуулийн оюутан солилцооны хөтөлбөрт хамрагдахыг урьж байна.

Шаардлага:

МУИС-ийн бакалаврын түвшний идэвхтэй суралцаж буй (хамгийн багадаа 1 улирал амжилттай суралцсан, төгсөх болзол хангаагүй байх)
Голч дүн 2,5 болон түүнээс дээш байх
Хэлний түвшин:

Англи хэл дээр явагдах хөтөлбөрт суралцах бол англи хэлний TOEFL/TOEFL ITP 550 эсвэл түүнээс дээш (Computer based 213 эсвэл түүнээс дээш, Internet based 80 эсвэл түүнээс дээш), TOEIC 750 эсвэл түүнээс дээш, IELTS 6.0 түвшинтэй байх.
Солонгос хэл дээр явагдах хөтөлбөрт хамрагдах бол солонгос хэлний TOPIK level 3+, KLAT B2 түвшинтэй байх.
Хэлний онооны батламжийг хавсаргах ба батламж байхгүй бол англи/солонгос хэлний багшийн тухайн хэлний хангалттай мэдлэгтэйг бататгах тодорхойлох захидал хавсаргах.

Бүрдүүлэх материалууд /бүх материалууд англи эсвэл солонгос хэл дээр байна:

Албан ёсны дүнгийн хуулбар (англи хэл дээр, ТҮЦ машинаас авсан эсвэл тамга даруулсан)
Сургуулийн тодорхойлолт (англи хэл дээр, ТҮЦ машинаас авсан эсвэл тамга даруулсан)
Тодорхойлох захидал англи эсвэл солонгос хэл дээр (Багшийн гарын үсэгтэй, холбогдох хаягийг бичсэн байх)
Хэлний түвшин батлах батламж, сертификатын хуулбар эсвэл гадаад хэлний багшийн хэлний түвшнийг бататгасан тодорхойлох захидал (багшийн гарын үсэгтэй байх)
Өөрийн танилцуулга, ирээдүйн зорилго, суралцах төлөвлөгөө бүхий 1-2 нүүр эсээ (англи/солонгос хэл дээр шивсэн байна)
3*4 хэмжээтэй өнгөт цээж зураг файлаар явуулах (jpg өргөтгөлтэй)
Гадаад паспортын хуулбар (хүчинтэй хугацаа нь 1 жилээс дээш байх)
Дотуур байранд орох өргөдөл, эрүүл мэндийн бичиг (эрүүл мэндийн бичиг эмчийн гарын үсэг, тамгатай байна. Өргөдөл, эрүүл мэндийн бичгийг татан гараар бөглөсний дараа сканердан PDF file болгон явуулна)

Дотуур байрны өргөдөл татах (суралцах сургууль/хөтөлбөрөөс хамааран сонгоно)

Санхүүгийн баталгаа – Хууль зүйн яам, Иргэн харьяатын газар зэрэг байгууллагаас шаарддаг болсон тул суралцах хугацаанаасаа хамаарч дараах мөнгөн дүн бүхий санхүүгийн баталгааг тэнцсэн тохиолдолд гаргаж өгөх (Суралцах хугацаанд хамаарах үнийн дүн бүхий мөнгө таны эсвэл эцэг, эхийн нэр дээрх банкны дансанд байх ёстойг анхаарна уу.)

4 сарын хугацаанд суралцах бол 6800 USD
6 сарын хугацаанд суралцах бол 10200 USD
10 сарын хугацаанд суралцах бол 17000 USD
12 сарын хугацаанд суралцах бол 20000 USD

Суралцах хугацаа: 1-2 улирал (өөрийн хүсэлтээр)

Судлах боломжтой хөтөлбөрийн жагсаалт:

Seoul campus programs: https://sites.google.com/view/hellohufs/Academics/Colleges-and-Campus-Location-Overview/Seoul-Campus

Global campus programs: https://sites.google.com/view/hellohufs/Academics/Colleges-and-Campus-Location-Overview/Global-Campus

Судлах боломжгүй хөтөлбөр/сургууль:

Хууль зүйн сургуулийн хөтөлбөрүүд,
Бизнесийн сургуулийн хөтөлбөрүүд,
Хэл шинжлэл ба дипломат ажиллагаа,
Хэл шинжлэл ба худалдаа.
Анхан шатны гадаад хэлний хөтөлбөрүүд

Сургалтын төлбөр, бусад зардал: сургалтын төлбөрөөс чөлөөлөгдөнө. Дотуур байр болон амьжиргааны зардлыг суралцагч өөрөө хариуцна.

Өргөдөл хүлээн авах эцсийн хугацаа: 2023 оны 03 дүгээр сарын 22-ны 15:00 цаг хүртэл.

Хүсэлт гаргагч нь өөрийн бүрдүүлсэн материалыг нэг багц PDF файл өргөтгөлтэй (тод харагдахуйц) болгон studentaffairs@num.edu.mn и-мэйл хаягаар илгээнэ. PDF file-аас бусад өргөтгөлтэй бичиг баримтыг хүлээн авахгүй болно. Бичиг баримтын эх хувийг Оюутны хөгжлийн төвд (МУИС-ийн хичээлийн II байрны ард байрлах Багш, оюутны хөгжлийн төвийн 306 тоот) хүлээн авна.

Дутуу болон алдаатай бичиг баримт хүлээн авахгүй ба өргөдөл авах хугацааг сунгахгүй тул тодруулах зүйл байвал studentaffairs@num.edu.mn хаягаар урьдчилан холбогдож асууна уу. Бичиг баримтын эх хувийг цаг тохирон авчирч өгнө.

Оюутны хөгжлийн төв нь хүсэлт гаргагчдын материалыг Ханкүүк их сургуулийн оюутан солилцооны хөтөлбөрт илгээж Ханкүүк их сургууль нь дараагийн шатны шалгаруулалтыг хийнэ. Тэнцсэн оюутан онлайн өргөдөл, бусад нэмэлт бичиг баримтыг бүрдүүлэн онлайнаар болон шуудангаар илгээхийг анхаарна уу.

ОЮУТНЫ ХӨГЖЛИЙН ТӨВ