МУИС-ийн 78 дахь өвлийн төгсөлт, Эрдмийн баяр боллоо
Огноо:Монгол Улсын Их Сургууль нь 1942 оны 10 дугаар сарын 5-ны өдөр үүсгэн байгуулагдсан бөгөөд МУИС-ийн Ректорын 1946 оны 7 дугаар сарын 5-ны өдрийн 84 дүгээр тушаалаар анхны төгсөлт хийснээс хойш 81 жилтэйгээ золгож, 2022-2023 оны хичээлийн жилд 78 дахь удаагийн эрдмийн баяраа ёслол төгөлдөр тэмдэглэлээ.
2022-2023 оны хичээлийн жилд МУИС-ийг төгсөж буй докторын зэрэгтэй 16, магистрын зэрэгтэй 351, бакалаврын зэрэгтэй 604, нийт 971 төгсөгчдөд 5 ээлжээр диплом, энгэрийн тэмдгийг гардууллаа.
Эрдмийн баярын үйл ажиллагаанд:
- МУИС-ийн захирал Д.Бадарч
- МУИС-ийн Сургалт, эрдэм шинжилгээ эрхэлсэн захирал Б.Очирхуяг
- Оюутны хөгжил эрхэлсэн захирал Г.Галбаяр
- Санхүү, хөрөнгө оруулалт эрхэлсэн захирал Ч.Энхбаяр болон бүрэлдэхүүн сургуулийн захирал, удирдлагууд, эрдэмтэн багш нар, эрхэм хүндтэй зочид төлөөлөгчид оролцсон юм.
МУИС-ийн нийт төгсөгч шавь нартаа цаашдын ажил амьдралын урт замд нь чиг болох үнэт сургаал, зөвлөмжөө хайрлан баярын мэндчилгээ дэвшүүлж эрхэм профессор багш нар үг хэллээ.
- Шинжлэх ухааны сургуулийн Байгалийн ухааны салбарын Биологийн тэнхимийн профессор, Монгол Улсын Гавьяат багш К.Улыкпан
- Шинжлэх ухааны сургуулийн Хүмүүнлэгийн ухааны салбарын Монгол хэл, хэл шинжлэлийн тэнхимийн профессор, Шинжлэх уахааны гавьяат зүтгэлтэн М.Базаррагчаа
- Хэрэглээний шинжлэх ухаан инженерчлэлийн сургуулийн Хүрээлэн буй орчин, ойн инженерчлэлийн тэнхимийн профессор, Академич, Чингис хаан одонт Д.Доржготов
- Бизнесийн сургуулийн Нягтлан бодох бүртгэлийн тэнхимийн профессор, Монгол Улсын Гавьяат багш Н.Тунгалаг
- Хууль зүйн сургуулийн Нийтийн эрх зүйн тэнхимийн профессор, Монгол Улсын Гавьяат багш Х.Сэлэнгэ
НИЙТ ТӨГСӨГЧДӨДӨӨ ЭРДМИЙН БАЯРЫН МЭНД ХҮРГЭЕ.
Эрдмийн баярын шууд дамжуулалтын бичлэгийг https://www.facebook.com/www.num.edu.mn/videos/506340774936925 холбоосоор үзээрэй.
Эрдмийн баярын зургийг ЭНД дарж татаж авна уу.
Та бүхний цаашдын ажил хөдөлмөрт тань амжилт хүсье.
ЭРДМИЙН БАЯРЫН ЗОХИОН БАЙГУУЛАХ КОМИСС