Оюутнууд тулгамдаж буй асуудлуудаа шийдвэрлүүлэх “Асуудал шийдэл” форум зохион байгууллаа
Огноо:МУИС-ийн Оюутны холбоо, Оюутан конгресс оюутнуудад тулгамдаж буй асуудлуудыг шийдвэрлэх “Асуудад шийдэл” форумыг зохион байгууллаа. Форумд МУИС-ийн удирдлага, нэгжийн дарга нар, мэргэжилтнүүд оролцсон юм. Форумд оролцсон оюутнууд Сургалтын журам, W үнэлгээ, багш, ажилтнуудын ёс зүйн асуудал, цахим хичээл, дотуур байр зэрэг олон асуудлаар санал хүсэлтээ илэрхийлж холбогдох нэгж, удирдлагаас хариулт авлаа.
Форумын төгсгөлд МУИС-ийн захирлын үүрэг гүйцэтгэгч, доктор Д.Бадарч “энэ төрлийн уулзалт, ярилцлагыг цаашид сэдэвчилсэн байдлаар тогтмол зохион байгуулах хэрэгтэйг онцлоод МУИС-ийн баримталж буй бодлого бол оюутан төвтэй сургалт, үйлчилгээг үзүүлэх юм. Тиймээс та бүхэн тулгамдаж буй асуудлаа МУИС-ийн захирлын цахим шуудан руу илгээж болно. Бид холбогдох нэгжүүдтэй асуудлыг ярилцаж, шийдвэрлэн та бүхэнд эргэн мэдэгдэж байх болно” гэлээ.
