Зочин профессор Нийл Дачак “Сэтгэл судлал” хөтөлбөрийн суралцагчидтай уулзалт, хэлэлцүүлэг хийв
Огноо:МУИС-ийн Оюутан, төгсөгчийн хэлтэсээс зохион байгуулж буй “Эерэг ойлголт, хандлагыг төлөвшүүлье” сэдэвт олон талт үйл ажиллагааны хүрээнд Боловсрол, сэтгэл судлал тэнхимийн оюутан, төгсөгчдөд зориулан “Амиа хорлох эрсдэлийн үнэлгээ” сургалт, хэлэлцүүлгийг зохион байгууллаа.
Сургалтыг МУИС-ийн Оюутан, төгсөгчийн хэлтсийн урилгаар ирсэн АНУ-ын Жоржиа мужийн Кэнэса их сургуулийн дэд профессор Нийл Дачак удирдан явуулсан ба сургалтаар сэтгэл судлалаар суралцагч оюутан, төгсөгч нарт АНУ-ын их, дээд сургуулийн орчинд суралцагчдын амиа хорлох үзэгдэл, түүнд нөлөөлж буй сэтгэцийн эрүүл мэндийн талаар судалсан судалгааны үр дүнгээс танилцуулан, анхан шатны амиа хорлох эрсдэлийн үнэлгээг хэрхэн хийх талаар өөрийн туршлага, кэйс зэрэг дээр үндэслэн мэдлэг, мэдээлэл олгож, нийгэм-сэтгэл зүйн үнэлгээ хийх загварыг танилцуулав.
Энэхүo сургалт, семинар мэргэжлийн тэнхмийн багш, оюутан, төгсөгчдөд сэтгэл судлалын салбарын анхаарал татсан, хурц асуудлыг цаашид судлах, шийдвэрлэхэд нь маш чухал хэрэгцээтэй сургалт болсон юм.
ОЮУТАН, ТӨГСӨГЧИЙН ХЭЛТЭС
БОЛОВСРОЛ, СЭТГЭЛ СУДЛАЛЫН ТЭНХИМ
