БНПУ-ын Адам Микейвичийн их сургуулийн 2023 оны хаврын улирлын оюутан солилцооны хөтөлбөр зарлагдлаа

Огноо: 2022-11-07

МУИС болон БНПУ-ын Адам Микейвичийн их сургууль хооронд байгуулсан хамтын ажиллагааны гэрээний хүрээнд Адам Микейвичийн их сургуулийн 2023 оны хаврын улирлын оюутан солилцоо хөтөлбөр зарлаж байна.

Суралцах хугацаа 1-2 улирал

Шаардлага:

МУИС-ийн бакалаврын түвшний (дор хаяж 1 улирал амжилттай суралцсан, төгсөх болзол хангаагүй) идэвхтэй суралцаж буй оюутан байх
Голч оноо 3.0-аас дээш
Англи хэлний дунд ба дундаас дээш түвшний мэдлэгтэй байх: IELTS 6.0, TOEFL 71, B2-C1 level түвшний батламж/тодорхойлолт

Бүрдүүлэх материал:

Сургуулийн тодорхойлолт (англи хэл дээр, ТҮЦ машинаас авсан байх)
Дүнгийн тодорхойлолт (англи хэл дээр, ТҮЦ машинаас авсан байх)
Багшийн тодорхойлох захидал. Тодорхойлолт гаргагчийн албан ёсны хаяг, гарын үсэг, тамгатай байх
Суралцах төлөвлөгөө (эссээний загвартай бичих)
Англи хэлний онооны батламжийг хавсаргах (IELTS 6.0, IBT TOEFL 71, англи хэлний түвшин тогтоосон шалгалтын батламж ( дор хаяж B2 түвшинтэй байх)
Гадаад паспортын хуулбар (хүчинтэй хугацаа 6 сараас дээш байна)
Цээж зураг 2 хувь болон файлаар (4cm x 3cm)

Суралцах боломжтой хөтөлбөрийн жагсаалт: Courses – AMU-PIE Platform

Сургалтын төлбөр, зардал: Сургалтын төлбөрөөс чөлөөлөх бөгөөд оюутны байр болон бусад зардлыг оюутан өөрөө хариуцна.

Хүсэлт хүлээн авах эцсийн хугацаа: 2022 оны 11 дүгээр сарын 25-ны өдрийн 12.00 цаг хүртэл.

Хүсэлт гаргагч нь өөрийн бүрдүүлсэн материалыг МУИС-ийн хичээлийн II байрны 109 тоот Оюутан, төгсөгчийн хэлтэст авчирч өгөх ба материалыг нэг багц PDF файл болгон studentaffairs@num.edu.mn хаягаар илгээнэ.

Дутуу болон алдаатай бичиг баримт хүлээн авахгүй ба өргөдөл авах хугацааг сунгахгүй тул тодруулах зүйл байвал studentaffairs@num.edu.mn хаягаар урьдчилан холбогдож асууна уу.

Оюутан, төгсөгчийн хэлтэс нь шаардлага хангасан оюутны бичиг баритмыг Адам Микейвичийн их сургуулийн оюутан солилцооны хөтөлбөрт илгээнэ. Адам Микейвичийн их сургууль сонгон шалгаруулалтыг хийн элсэлтийн хариуг мэдэгдэнэ. Тэнцсэн оюутан онлайн өргөдөл, бусад нэмэлт баримтыг их сургуулиас шаардсаны дагуу дахин бүрдүүлэн илгээхийг анхаарна уу.

Сургуулийн талаарх видео танилцуулгыг доорх холбоосоор үзнэ үү.

AMU Welcome Message: https://youtu.be/TY_e3rjQjQI?t=10
Adam Mickiewicz University in Poznań (General information in English): https://youtu.be/_iRyWtqH9h8
Virtual Walk around AMU (University presentation in Polish and English): https://youtu.be/UaDp4xQS19g
Adam Mickiewicz University, Poznań – the academic year 2019/2020: https://youtu.be/eKltKSEr8Ug

Сургуулийн талаарх дэлгэрэнгүй мэдээллийг татаж үзнэ үү. Татах

ОЮУТАН, ТӨГСӨГЧИЙН ХЭЛТЭС