Польшийн Лодзын их сургуульд (Uniwersytet Łódzki) Эрасмус+ төслийн хүрээнд оюутан солилцооны тэтгэлэгт хөтөлбөрт хамрагдахыг урьж байна

Огноо: 2022-11-04

Европын холбооны санхүүжилттэй Эрасмус плас (Erasmus+) төслийн хүрээнд Бүгд Найрамдах Польш Улсын Лодзын их сургуулийн бакалаврын болон магистрын оюутны солилцооны хөтөлбөрийн сонгон шалгаруулалтад урьж байна.

Хөтөлбөрт хүсэлт гаргагч нь МУИС-ийн бакалаврын эсвэл магистрын үндсэн суралцагч байх ёстой бөгөөд МУИС-ийн Хамтын ажиллагааны хэлтсээр (Erasmus Code: Ulaanbaatar) дамжуулан хөтөлбөрт хамрагдах хүсэлт гаргана.

Хөтөлбөрийн хугацаа: 1 хичэээлийн улирал буюу 5 сар

Тэтгэлгийн хэмжээ: Замын зардал болон сар тутмын амьжиргааны тэтгэлэг олгоно.

Тавигдах шаардлага:

Англи хэлний дундаас дээш түвшний мэдлэгтэй байх
Бакалаврын оюутан МУИС-д 2-оос дээш, магистрын оюутан 1 болон түүнээс дээш улирал суралцсан байх
2023 оны 2 дугаар сараас 7 дугаар сар хүртэл Польшид байх

Бүрдүүлэх материал: Дараах материалуудыг англи хэл дээр бүрдүүлнэ.

Өргөдлийн маягт
Суралцахуйн урьдчилсан гэрээ
Суралцах захидал буюу Cover letter
Оюутны тодорхойлолт
Дүнгийн албан ёсны тодорхойлолт
Англи хэлний мэдлэгийг тодорхойлох батламж
Бакалаврын оюутан бол ерөнхий боловсролын гэрчилгээний, магистрын оюутан бол бакалаврын дипломны хуулбар
Паспортын хуулбар
Нэмэлт амжилт тодорхойлох баримт бичгүүд

Хүсэлт хүлээн авах эцсийн хугацаа: 2022 оны 11 дүгээр сарын 24-ний өдөр хүртэл

Товлогдсон хугацаанд багтаан холбогдох материалын хуулбарыг PDF нэг файл болгон Хамтын ажиллагааны хэлтсийн partners@num.edu.mn цахим хаягаар ирүүлнэ үү. Хугацаа хоцорсон материал хүлээн авахгүй тул тодруулах зүйл байвал partners@num.edu.mn хаяг, 77307730 (1142) утсаар холбогдож асууна уу.

Дэлгэрэнгүй мэдээллийг дараах https://www.uni.lodz.pl/en/mobility холбоосоор болон танилцуулгаас үзнэ үү.

Татах [2.78 MB]

ХАМТЫН АЖИЛЛАГААНЫ ХЭЛТЭС