МУИС-ИЙН “КЛУБҮҮДИЙН ТАНИЛЦУУЛАХ ӨДӨРЛӨГ 2022” АМЖИЛТТАЙ ЗОХИОН БАЙГУУЛЛАГДЛАА.
Огноо:МУИС-ийн 80 жилийн ойгоо угтан оюутны клубүүдийн танилцуулга өдөрлөг 2022 оны 9 дүгээр сарын 29-ний өдөр Номын сангийн II, III давхарт амжилттай болж өнгөрлөө. МУИС-ийн оюутны байгууллага, клубуудын үйл ажиллагааг нийт оюутнуудад сурталчлах, гишүүнчлэлд бүртгэх тэдний үйл ажиллагааг өргөжүүлэн хөгжүүлэх мөн өдөрлөгөөр оюутны байгууллага клубүүд төсөл хөтөлбөр болоод хийсэн ажлынхаа тайланг нийт оюутан залуустаа танилцуулах зорилготой.
МУИС-ийн 2022-2023 оны хичээлийн жилд нийт 72 клуб бүртгэлтэй байна. Клубын танилцуулах өдөрлөгт идэвхтэй үйл ажиллагаа явуулж буй шилдэг 39 клуб оролцлоо. Өдөрлөгийн үеэр идэвхтэй үйл ажиллагаа явуулж буй шилдэг клубүүдэд батламж гардуулав.
Танилцуулах өдөрлөгийн үйл ажиллагаатай МУИС-ийн ОТХ-ийн хэлтсийн дарга М.Эрдэнэчимэг, ОТХ-ийн хамт олон, МУИС-ийн багш, ажилтны төлөөлөл танилцаж клубүүдийн үйл ажиллагааг дэмжин хамтран ажиллах талаар санал солилцлоо.
Клубүүдийн танилцуулах өдөрлөгийн товч видео мэдээг үзнэ үү.
ОЮУТАН, ТӨГСӨГЧИЙН ХЭЛТЭС
