“НОГООН ИНЖЕНЕРЧЛЭЛ” клуб
Огноо:"Ногоон инженерчлэл” клуб нь 2020 оны намар Монгол Улсын Их сургуулийн харьяа ХШУИС- ХБООИ тэнхимийн Хүрээлэн буй орчны инженер мэргэжлийн багш, оюутнуудын санаачилагаар үүсгэн байгуулагдсан бөгөөд МУИС-ийн Хүрээлэн буй орчны инженер мэргэжлээр суралцаж буй нийт оюутнуудад нээлттэй клуб юм.
Манай клубийн зорилго нь хүрээлэн буй орчны бохирдолтой холбоотой судалгаа шинжилгээ хийж, эрдэм шинжилгээний хурлуудад оролцох, нийгэм олон нийтэд байгаль орчноо хайрлах, хүрээлэн буй орчны бохирдлын талаар мэдээ мэдээлэл түгээх, хүрээлэн буй орчны инженер мэргэжлийг олон нийтэд сурталчлан таниулах, оршино.
Хүрээлэн буй орчны инженер мэргэжил нь 2018 оноос хойш МУИС-д хэрэгжиж буй шинэ хөтөлбөр билээ. Манай мэргэжил хүрээлэн буй орчны бохирдол, доройтлыг бууруулах, байгаль орчныг хамгаалах, бохирдохоос сэргийлэх инженерийн шийдэл боловсруулж, бодлого, төлөвлөлт гүйцэтгэх зэрэг чадварт суралцдаг бөгөөд бид суралцаж байх хугацаандаа олж авсан мэдлэгээ ашиглан нийгэмд байгаль орчны тулгамдаж буй асуудлуудын талаар мэдээлэл олгох, түүнийг шийдвэрлэхэд хувь нэмрээ оруулах бид зорьдог.
Үйл ажиллагаа:
“Спорт өдөрлөг”-Клубийн нийт гишүүд дунд зохион байгуулж чөлөөт цагаа үр дүнтэй өнгөрөөсөн.
“Мод тарих өдөрлөг”- Нэрэмжит ногоон төгөлтэй болохыг зорьж хайлаас, гацуур, шархауйс зэрэг амьдрах чадвар сайтай модыг тарьсан.
“Төгсөх курсийн оюутны яриа” - Диплом бичих арга туршлагаасаа клубийн гишүүддээ хуваалцсан.
“Хээрийн дадлага зөвлөгөө, уулзалт”- Хээрийн дадлагад явахад анхаарах зүйлс, дата мэдээллээ хэрхэн зөв авах арга туршлагаа хуваалцсан
“Эко аялал ууланд гарах” - Клубийн шинэ гишүүдтэйгээ танилцаж хоорондын харилцааг сайжруулсан.
- Клубийн гишүүдийн оролцож, хамрагдсан үйл ажиллагаа
- Хөтөлбөр сурталчлах өдөрлөг
- Hazegazer төсөл
- YOUTH MAPPER 2022 уралдаан
- NUM START UP төсөл
- Экологийн 13 дугаар олимпиад
- Хүрээлэн буй орчны инженерчлэл оюутны эрдэм, шинжилгээ, онол практикийн 5 дугаар бага хурал
- WORLD CLEAN UP DAY 2021 өдөрлөгт сайн дурын ажилтан
- WORLD CLEAN UP DAY 2022 өдөрлөг сайн дурын ажилтан
Мейл хаяг: greenengineering2020@gmail.com
Фэйсбүүк хаяг: МУИС - "Хүрээлэн буй орчны инженер" мэргэжлийн хөтөлбөр
