ДИПЛОМАТ КЛУБ
Огноо:Дипломат Клуб нь МУИС-ийн ОУХНУС-ийн Ууган клуб бөгөөд анх “Diplomacy Beyond 2000” нэртэйгээр оюутнуудын санаачлагаар байгуулагдаж байсан ба өнөөг хүртэл үйл ажиллагаагаа тасралтгүйгээр амжилттай явуулж байна.
Алсын хараа:
Манай клуб нь ирээдүйн чадварлаг дипломатыг бэлтгэх зорилготой ба тэдэнд мэдлэг, чадвар болон мэргэжлийн дадлага, туршлага олгон, мэргэжлээ илүү танин мэдэж, дур сонирхолтой болоход чиглэгдсэн байдаг. Дан ганц академик чадварыг эрхэмлэх бус хамт олонлог, багаар ажиллах чадвартай, нийгмийн идэвх санаачлагатай оюутан залуусыг төлөвшүүлэхэд клубийн эрхэм зорилго оршино.
Үйл ажиллагаа:
Гадаад үйл ажиллагаандаа салбар салбарын түүчээ төлөөлөгчдийг урин оюутнууддаа “Экспертийн Цуврал Лекц” сонсгодог ба “Монголоо хэн сайн мэдэх вэ?” танин мэдэхүйн уралдаант тэмцээн зэргийг зохион байгуулдаг. Дотооддоо 7 хоног бүр тогтмол хуралдаан хийж Олон Улсад өрнөж буй үйл явдлын хүрээнд хэлэлцүүлэг, подкаст хийх; мэргэжлийн болон мэргэжлийн бус сэдвээр лекц яриа сонсгон чадавхжуулах, хүмүүнлэгийн үйл ажиллагаанд хамт олноороо хамрагдах зэрэг үйл ажиллагаа хийдэг. Ингэхдээ МУИС болон бусад их дээд сургуулиудын харьяа клубууд болон бусад оюутны хөгжлийг дэмжих байгууллагуудтай хамтран ажиллахад үргэлж нээлттэй байна.
Манай клубд элссэнээр:
Академик болон академик бус орчинг хослуулсан, цог золбоот залуустай Дипломат гэр бүлийн үнэ цэнтэй гишүүний хувьд дээрх үйл ажиллагаануудад оролцох, зохион байгуулах эрхтэй болох ба шинэ орчинд шинэ найз нөхөдтэй болж өөрийгөө хөгжүүлэх бүрэн боломжтой юм. Мөн аль ч салбар сургуулийн оюутан түвшин харгалзалгүй элсэх боломжтой байдаг учраас Олон Улсын Харилцаанд болж буй үйл явдалд чин сонирхолтой хэнд ч манай клубийн үүд хаалга нээлттэй байх болно.
Холбоо барих:
E-mail: Diplomatclubouh@gmail.com
Facebook page: https://www.facebook.com/DiplomatClub
