“SIC” КЛУБ
Огноо:Уриа үг: “Бид тэргүүлнэ, бусдыг нь уриална”
“Student Implementation and Collab” буюу SIC (эс ая си) клуб нь 2021 оны 01 сарын 18-нд байгуулагдаж, 2021 оны 02 сарын 08-ны өдөр албан ёсоор үйл ажиллагаа явуулах эрх бүхий клуб болсон билээ. Бид идэвх оролцоотойгоор өөрсдийн нийгмийг бүтээх хүсэл сонирхлоороо нэгдсэн оюутан залуус юм.
Зорилго, зорилт
Клубын эрхэм зорилго нь сайн үйлсээр дамжуулан нийгэм дэх оюутан залуусын байр суурь, идэвх оролцоог дэмжиж, түүнчлэн гишүүн оюутнуудыг сар бүр өөрсдийн хүссэн төрлийн хөгжлийн сургалтуудад хамрагдуулан, оюутнуудын хөгжлийг дэмжихэд оршино.
Клубын онцлог
Сайн дурын үндсэн дээр нэгдэн үйл ажиллагаа явуулахын зэрэгцээ клуб дотроо өөрийгөө хөгжүүлэн, авьяас чадвараа нээн бие биенээсээ суралцаж, найрсаг уур амьсгалыг бүрдүүлэн, бүгд найз нөхөд болон нэгэн гэр бүл мэт нэгдэж, хамтран ажилладагаараа онцлог юм.
Үйл ажиллагааны чиглэл
“Хувь хүний хөгжлийн ба сайн дурын”
Долоо хоног бүр клубын ээлжит хурал болдог бөгөөд тогтсон өдөр 18:00-20:00 цагийн хооронд тухайн долоо хоногт хийх сайн дурын болон хувь хүний хөгжлийн ажлын төлөвлөгөөгөө ярилцах ба “Гишүүдийн долоо хоног” хэмээх тухайн долоо хоногт гишүүдийн сонирхлыг дэмжиж, нэг нэгээрээ сонирхлоо танилцуулан, бусадтай хуваалцаж, хамтдаа бие биенийхээ сонирхдог зүйлсийг гишүүдийн дунд зохион байгуулдаг.
Бүтэц, зохион байгуулалт
Жил бүрийн намар болон хаврын улирлуудад нээлттэй гишүүнчлэлээ зарлаж, анкет болон ярилцлагаас бүрдэх хоёр шатны шалгаруулалт хийх бөгөөд эцсийн шатны шалгаруулалт болох ярилцлагын шатад тэнцсэн оюутнуудыг элсүүлдэг ба эхний гурван хуралд дарааллан суусан оюутнуудад албан ёсны гишүүнчлэлийг олгодог.
FB хуудас: SIC club
Холбогдох утас: Б.Хонгорзул 94647351