“Career day” өдөрлөг боллоо
Огноо:
МУИС-ийн Оюутны хөгжлийн төвийн дэргэдэх “NUM CAREER”, “Зориг сан”, “Залуусын тогтвортой ажил эрхлэлтийг дэмжих хөтөлбөр”-т хамрагдсан МУИС-ийн оюутнууд хамтран “CAREER DAY” өдөрлөгийг 2024 оны гуравдугаар сарын 18-ны өдөр амжилттай зохион байгууллаа.
Өдөрлөгийн илтгэгчээр манлайлагч оюутан, төгсөгчдийн төлөөллийг урьж оролцуулсан бөгөөд илтгэгч нар оюутнуудын хичээлээс гадуур хамрагдаж болох тэтгэлэгт хөтөлбөр, олон улсын оюутан солилцооны хөтөлбөрүүд, сайн дурын ажил болон дадлага хийх нь тухайн оюутны ирээдүйн карьерт хэрхэн эерэгээр нөлөөлөх боломжтой талаарх туршлагаасаа хуваалцлаа.
Уг арга хэмжээнд:
- “Илтгэл – Дадлага ба Карьер” сэдвээр МУИС-Бизнесийн сургуулийн шилдэг төгсөгч Б.Энхнаран
- “Илтгэл – Солилцооны хөтөлбөр ба Карьер” сэдвээр PWC Finance associate, UGRAD хөтөлбөрийн төгсөгч, дуучин,контент бүтээгч Н.Урин
- “Илтгэл – Тэтгэлэгт хөтөлбөр ба Карьер” сэдвээр Монгол Улсын Ерөнхий сайдын албаны шинжээч Н.Ганбилэг
- “Илтгэл – Сайн дурын ажил ба Карьер” сэдвээр “Ger Hub” төслийн удирдагч, Global shaper Э.Тэмүүлэн
- “ҮНДСЭН ИЛТГЭЛ – ХИЧЭЭЛИЙН ДАРАА” сэдвээр НҮБ-ын Хүүхдийн сангийн зөвлөх Э.Хишигжаргал уригдаж оролцлоо.
Энэхүү арга хэмжээгээр оюутнууд суралцах явцдаа шууд хэрэгжүүлж болох олон санааг олж авсан болохыг өдөрлөгийн зохион байгуулагчид онцолж байв.
Өдөрлөгт нийт 120 гаруй оюутан хамрагдсан бөгөөд оролцогчдын дунд зохион байгуулсан сонирхолтой арга хэмжээнээс “Абсолют” сургалтын төвийн хүссэн түвшиндээ суралцах эрх нэг оюутан, керамик урлал хийх эрх нэг оюутан, “Өргөө” кино театраар хоёр найзын хамт үйлчлүүлэх эрхээр гурван оюутанг тус тус шагнажээ.
