Монголын хүрээлэн буй орчны инженер мэргэжилтнүүдийн нийгэмлэгийн нэрэмжит судлаач оюутны тэтгэлэг гардууллаа
Огноо:Монголын хүрээлэн буй орчны инженер мэргэжилтнүүдийн нийгэмлэг нь байгаль орчны мэргэжилтнүүдийг чадавхжуулах, шинжлэх ухааныг хөгжүүлэх, сурталчлах чиглэлээр үйл ажиллагаа явуулдаг нийгэмд үйлчилдэг сургалт, эрдэм шинжилгээ, судалгааны ашгийн бус байгууллага бөгөөд Монгол Улсын Их сургуультай хамтран Хүрээлэн буй орчны инженерчлэл хөтөлбөрөөр суралцаж буй бакалаврын түвшний суралцагчдад сурч боловсрох, судалгаа шинжилгээний ажил гүйцэтгэх, өөрийгөө хөгжүүлэхэд дэмжлэг үзүүлэх, урамшуулах зорилгоор тэтгэлэгт хөтөлбөрийг хэрэгжүүлэн тэтгэлгийг 4 дэх жилдээ олгож байна.
![](https://student.num.edu.mn/wp-content/uploads/2024/06/processed-8CB4916E-192E-40D9-88DA-8778106E0EF0-1024x768.jpeg)
2023-2024 оны хичээлийн жилд энэхүү тэтгэлэгт хөтөлбөрийн хүрээнд ХБОИ хөтөлбөрийн 4-р түвшний 3 түүнээс дээш голчтой 12 суралцагчаас сонгон шалгаруулалт хийж, Ү.Есүгэн, П.Хулан нарт тэтгэлгийг гардууллаа.
Энэ удаагийн тэтгэлгийн батламж гардуулалт 2024 оны 6 дугаар сарын 5-ны Дэлхийн Хүрээлэн буй орчны өдөр, МУИС-ийн БОХТ 502 тоот танхимд (09:30 цагт) Хүрээлэн буй орчны инженерчлэл оюутны эрдэм шинжилгээ, онол практикийн VII бага хурлын нээлтийн үеэр Монголын хүрээлэн буй орчны инженерийн холбооны гүйцэтгэх захирал А.Жавхлан, Хүрээлэн буй орчин, ойн инженерчлэлийн тэнхимийн багш, дэд профессор Т.Энхдөл нар тэтгэлэгт шалгарсан суралцагчид баяр хүргэж тэтгэлгийн батламжийг гардуулан өглөө.
Оюутны хөгжлийн төв
![](https://student.num.edu.mn/wp-content/uploads/2024/06/processed-4F13FAB4-3986-491E-9B79-66C39C422E79-1024x768.jpeg)