Хөдөлмөр эрхлэлтийг дэмжих ажлын хүрээнд “Монгол Ай Ди” ХХК дээр зочлов
Огноо:Оюутны алба хөдөлмөр эрхлэлтийг дэмжих хөтөлбөрийн хүрээнд ХШУИС-ийн төгсөх ангийн оюутнуудтай автобустай аялал хийлээ. Энэ автобустай аяллаар мэдээлэл технологийн компани болох “Монгол Ай Ди” ХХК дээр зочилсон юм.
Хөтөлбөр ёсоор 1-р байрны урдаас автобустай хөдөлсөн бөгөөд автобус дотор оюутнуудтай эерэг сэтгэлгээний талаар хөөрөлдсөөр товлосон газраа очлоо. Оюутнууд аяллын явцдаа Монгол Ай Ди компанитай болон тус компанийн хэрэгжүүлж буй төслүүдтэй танилцсан бөгөөд Төсөл хариуцсан захирал Д.Анар цахим бүтээгдэхүүн, үйлчилгээ болох мэдээллийн хайлт, спортын таавар, бүх төрлийн онлайн худалдаа үйлчилгээ болон захиалгын системийг агуулсан нэгдсэн платформуудыг хөгжүүлэх төслийг богино хугацааны стратегийн төлөвлөгөөндөө тусган ажилладаг талаар дэлгэрэнгүй ярьсан бол JCI Лидер салбар байгууллагын Positive mind төслийн удирдагч Н.Энхбаатар "Манлайлал" сэдвээр илтгэл тавьж харилцан ярилцлага хийсэн сонирхолтой танилцуулга боллоо. Бид кофе цай ууж халуун дулаан яриа өрнүүлж, дурсгалын зураг татуулаад сэтгэл өндөр МУИС-ийнхаа автобусанд сууж сургууль руугаа хөдөлснөөр энэ удаагийн автобустай аялал маань өндөрлөсөн юм.
Дараагийн аяллаар “Шинэ эхлэл ” олон улсын лабротари сургууль зочлох болно.
